Nov 24 – WAKHAL ASI LANPHAMNI!

“maramdi makhoina Iswearbu khanglabasu , makhoina mahakpu Iswarni haiduna thagatte, aduga thagatningbasu leite,adubu makhoigi wakhal makheisu aremba oirakle, aduga makhoigi apangba pukning mamsinhalle.” (Romans 1:21).

Mi mayamna makhoigi wakhal toupham asi lanphamni haibasi khangjade. Makhoina aremba wakhal sagattuna  makhoigi wakhalna maram oiraga makhoina pap touduna leiri. Nahakki wakhal  aduda cheksindrabadi nahakna nahakki thawaigi punshida maithigani.

Mi mayamna ahing da haijade. Makhoina television manakta phamduna natei chadaba video yengduna maduna  hakchanggi apamba thok halli. Aduga madugi maramna phataba thawaina makhoigi mathakta tongduna ahingda natei chadaba mang gumba manghalli. Aduga makhoigi wakhalsing adubu aremnba oirakli. Sastrana hai, “ mahakna mahakki thamoida khanbagumna mahaksu adum oiribani.”(Proverbs 23:7)

Wakhalsing asina mi amabu sembani. Wakhal asi wahei oirakpani, aduga wahei aduna thabak oirakpani, aduga thabak aduna punshigi maikei chingbibani. Mi amana mahakki thamoida aphabata khanduna leirabadi mahak achouba mi ama oirakkani. Nahakki wakhal adu thaqwai asengbada pisinjarabadi mahakna nahakki  wakhal adu swargagi wakhallonda thanbigani

Pakhochatpa Paulna asumna irammi, “ maramdi eikhoina   soknariba langgi khutlaidi hakchanggi natte, adubu lanban thugainaba Iswargi mapanna khutlaising adugi mapanggal leibani.yetnabasing amsung Iswarbu khangbagi maiyokta leiba nawangba wakhal khuding manghalli, aduga wakhal khudingbu Christana haiba ilhannaba phadokkumna purakle.” (2 Corinthians 10:4-5).

Nahakna nahakki thamoinungda sengdaba wakhal lakle hek khangba mitkup aduna nahakna Iswargi thagatpa esei sak u, adu oirabadi nahakna satan adubu thingba ngamgani.

Jesu Christana mahakki charaoba lanjao adubu Golgotha da soknarammi. Golgotha haibasigi wahanthokti lukanggi mapham haibani. Masidagi wakhalsing amadi ningbasingbu thorakpani. Iswarna nahakpu Jesu Christagi koktagi tarakpa eegi adugi marik gi mapanna wakhalgi lanpham aduda lan ngamba adu oihanningi. Madu misingna mahakki kokthakta tingkhang luhup uppiba matamda chentharakpa ee aduni.

Nahakki punshi asida lising lisinggi phattaba wakhallon mayam thokkani. Adubu nahakna makhoi adu nahakki pukningda mapham pirabadi nahakki thamoida mara tathagani aduga nahakki thawaigi punshi adu mangtak hangani.

Iswargi machasing, nahakki thamoidagi phattaba wakhal khudingmaktu mutthatlu, nahakki pukning adu lanpham ni aduga maduda nahakna lan ngamba adu oibiyu

Dhyan  tougadaba: “aduga taibangpan asigi sak ong loiuganu, adubu nakhoina apahba, lousinba yaba, mapung phaba Iswargi aningba karino haiba chang yengnaba nakhoigi pukning nouhanduna nakhoi sak ong onthok u.” (Romans 12:2).