Nov 23 – RASTA DIKHAI DIYA!

Pslam 16:7 “ami ashirbaad koribo Isor ke jun pora rasta dikhai dishe ami ke; ami laga mon sikhai ami ke rati laga mausam khan”.

Ami khan laga Isor Jisu kRista, jun ahishe nichete swarg pora; ase Isor rasta dikhai diya laga. Aru Tai thake hodai din karone. Rasta dikhai diya manu khan laga khotom hoi jai hoilebi Isor laga rasta dikhai diya tu hoile khara thaka hodai din nimite.

Isor pora kosom dishe ami khan ke Tai laga dikhai diya ke itu koi kene: “Ami koi dibo aru shikhai dibo apuni ke juntu rasta te apuni jabo lage; Ami dikhai dibo apunike Ami laga suku pora”. Tai pora dikhabo rasta juntu apuni lobo lage. Bishi baar, apni najane kuntu rasta chuni bo lage, aru najani kene digdar pai. Utu khan sob homoi te Isor pora diye tai laga achurit rasta dikhai diya ke, dhure apuni laga hath ke aru loi jai apni ke.

Jitya tate napungcha thakishe phal ras Cana laga shadi te, Mary , Jisu laga ama dikhai Jisu ke aru Jisu pora ki koi naukar khan ke koribole tai khan kore. Tai laga kotha hisab pora, naukar khan bhorta kore pani laga ghot khan pani logote. Aru Isor pora bodli kore pani ke phal ras te, ekta achurit hsab pora. Utu phal ras tu bishi bhal thakishe age laga phal ras pora.

Itu nishina hi, Peter bi lagai diye tai laga jaal ke hagor te pura rati, tai khan dhuribo napare iku maas bi. Holebi jitya tai lagai tai laga jaal ke dahina phine nau laga, Isor pora dikhai diya hisab te, tate ekta dangor bhorta hoi kene maas khan ke pai. Amikhan laga Isor; rasta dikhai diya laga Isor hosabi dangor ase Tai laga rasta dikhai diya khan.

Aji laga din te bi, tai darj kori ken ease tai laga kotha khan ke pobitro kotha te, apuni ke rasta dikhai dibole nimite. Jitya apuni pore  pobitro otha ke, apuni poribole lage ekta bhabna loi kene ki apuni hunibo Tai laga rasta dikhai diya ke Isor laga bhabna koribo Tai laga kotha khan te. Aru Isor pora hi kotha koribo apuni ke Tai laga pobitro otha pora.

Psalm likha david pora koi: “kiman kimti ase Apuni laga bhabna khan ami karone, o Isor! Kiman dangor ase itu ke  milai le!” psalm 139:17. Pobitro kotha te tayar ase rasta dikhai dibole ami khan sob ke, thik homoi te. Pobitro kotha hi khali ekta kitab ase juntu diye haal sob samasya khan laga, aru bhal rasta dikhai diye sob stithi te.

Pobitro kotha pora ekla nahoi kene, Iosr koi kotha khan ami khan ke Tai laga nabi, pracharak aru evangelist khan pora bi. Jitya apuni girja te jai Isor laga aru hune Tai laga kotha khan ke, tate ekta anondo ase apuni laga mon te, aru apuni pai sob rasta dikhai diya ke aru hosa khan juntu apuni lage.

Nabi Isaiah  anondo kore Isor ke aru koi: “isor duth khan laga, jun achurit ase rasta dikhai diya te aru uttam loi jabole” Isaiah 28:29. Isor laga bacha khan, tara tari nakoribi hunibole rasta dikhai diya manu laga hoilebi bisaribi aru pabi rasta dikhai diya ke Isor laga.

Aji bhaban koribole laga pobitro kotha tu hoile proverbs 20:18 “age laga bhabna khan thik kore rasta thik dikhai diya hisab pora; budhimaan rasta dikhai diya laga  judho khan pora”.