Nov 23 – PHATTABA WAKHAL!

“malemda migi phattaba asi yamna hellakle amasung mahakki thammoinungda khalliba wakhal khuding tattana phattaba ngaktani haina  Jehovahna ukhi. Jehovahna malemda mi sembiruba asida mahak ningamlakktre,aduga maduna mahakki pukning sok hallammi.” (Genesis 6:5-6).

Thajaba mi amamamna masa masagi wakhallonsing asi munna cheksinna yengsingadabani. Mahakki mikup khudinggi wakhallonsing asi mahakna yengsingadabani. Wakhalna wahei puthokpani, aduga wahei aduna thabak onbani. Aphaba wakhalna Iswarbu pel hanbani, adubu phattaba wakhalna Iswargi thammoida awba pibigani. Aduga phattaba wakhal aduna mibu norok lomda chingsingani. Papki oiba wakhal sing asi yamna tamthibani.

Sastrana hai, “ maramdi manungdagi, haibadi mioibagi thamoidagi phattaba wakhal, nipa nupi lannaba,lamchat naidaba, mihatpa, huranba, kallakpa, phattaba, minamba, oidaba ngangba, phattaba mityeng,thina ngangba ,napan, apangba sing asi thokpani.” (Mark 7:21-22).

Mathakki list asida Iswarna phattaba wakhal asi nupi nupa lannaba amadi lamchat naidaba asidagi henna phattaba wakhal asina mamang thahalli. Mi mayamna makhoigi wakhal asi lamgi lolagumna aning aningbada thadoktuna aroibada makhoina lamchat naidaba adugi maphamda tahallibani. Aduga madugi apamba aduna makhoigi thawaigi punshi adubu mangtak halli. Aduga makhoibu komda putthahalli.

Pakhonchatpa Paulna asumna hairammi, “ yetnabasing amasung Iswarbu khangbagi maiyokta leiba nawangba wakhal khuding manghalliaduga wakhal khudingbu Christana haiba ilhannaba phadokkumna purakle” (2 Corinthians 10:5).

Noah ki matamda mioibana mangtakliba adugi maramda mioiba aduna phattaba henmanbagini, aduga makhoigi wakhal adu lengdana phattaba oiramle. Sastrana hairi, “ malemda migi phattaba asi yamna hellakle amasung mahakki thammoinungda khallliba wakhal khuding tattana phattaba ngaktani haina Jehovahna ukhi. Jehovahna malemda mi sembiruba asida mahak ningngamlaktre, aduga maduna mahakki pukning sok hallammi.” (Genesis 6:5-6).

Maduda Iswarna makhoigi wakhallonsing adubu yenglammi, maduda prithibida ising ichao thoklammi, aduga papki wakhalda taoribasingbu tumna manghankhre.

Iswargi thoujalna taibangda hingliba eikhona Iswarbu ikaikhumnabaga loinana hinggadabani. Eikhoina eikhoigi hiram khudingmakta asengba oina hingduna lan ngamba adu oigadabani. Iswargi asaobagi wayenba ama lei haibasi eikhoina keidoungeidasu kaoruganu

Sastrana  hai, “chumdaba maahk aduna chumdana adum leisanu, amotpa mahak aduna motna adum leisanu, dharmachenba mahak aduna dharmachenna adum leisanu.asenba mahak aduna sengna adum leisanu.  ” (Revelation 22:11).  Mara adu senglabadi masasingsu kangani. Aduga wakhalsing asi asengba oirabadi eikhoigi punshi adusu asengba oigani. Iswargi machasing, Thawai asengbada thanba oiyu adu oirabadi nahakki wakhal amadi pukning adu asengba oigani.

Dhyan tougadaba: “maram aduna achanbasa, wasaksing asi phangjarabanina hakchang amasung thawaibu senghandaba maram khudingmaktagi eikho isabu sengdokchasi. Iswarbu kibaga loinana asengba adu mapung phahansi.” (2 Corinthians 7:1).