Nov 21 – CHANDAN GASH KHAN!

Numbers 24:6 “ghati khan nishina jinika feli kene thake, bagischa khan nishina nadi kinarte, inika hi chandan gash khan lagai ken ease Isor pora, jinika cedar khan pani kinarte.”

Chandan gash khan ke aloe koi ken ease pobitro kotha te. Apuni chandan gash lagai diya nishina Isor pora. Bishi podh khan ase pobitrokotha te juntu tulna kore apuni ke jolphai gash nishina, dimoru gash nishina aru angur lota nishina. Aru aji laga podh te, pobitro kotha pora tulna kore apuni ke ekta chandan gash nishina. Jitya chandan gash ke gisse ekta polish kora jag ate, itu ulai ekta bhal gun. Itu nishina hi, apuni bi charibo ekta bhal gun jitya apuni jabo porikha aru dukh khan pora Iosr nimite.

Chandan tu bishi daam ase sob gash khan laga majete aru ekta alag dam ase itu laga kilekoile itu laga gun pora. Kun ami khanlaga majete bhal nalage  chandan laga gun tu? Chandan laga lep pora komai diye gau laga gorom ke aru ekta taza kam kore itu laga mitha gun pora. Sob bhag chandan gash laga; pata khan, jor khan, aru tai laga chamra bi, kaam diye. Chandan tel ke bonai chandan laga chamra ke loi kene khunda pichete.a puni kitya bi napahoribo lage ki apuni phelabo lage mitha gun subhsamachar laga Iosr nimite.

Jitya likhe gun laga kotha Isor Jisu Krista laga – dulha; psalms likha khan pora darj kore inika: “sob apuni laga kapra khan ke gun lagai kene ase myyr aru aloe khan pora cassia laga, bija jaga khan pora juntu pora apuni ke khushi kori ase” (psalm 45:8). Isor laga bcah khan, ki gun ase juntu pheli bo lage Isor karone?

Poila, tai laga khushi tu hoile isor ke bhoi kora ase (Isaiah 11:3). Itya apuni bhoi kore Isor ke aru berai Tai laga adesh hisab te, apuni laga atmakarik jibon tu barhi bo aru apuni phelabo ekta gun juntu Isor ke khushi kore. Itu karone, rakhibi sob saman khan dusra phien juntu khushi nakore Isor ke aru loi jabi ekta pobitro jibon juntu Iosr ke khushi koribo.

Dusra pobitro kotha te koi; “dhonyabad ase Isor ke jun hodai aloi jai ami khan ke jitya laga Krista te, aru ami khan phine pora phelai gun Tai laga gyan laga sob jagate”. Hoi apuni khan phelabo lage sob jagate gun Tai laga gyan laga.

Tisra tu hoile, apuni khan phelabo lage gun morom laga. Pobitro ktoha te koi: “aru berabi morom te, jinika Krista bi morom korishe aru dishe nijor kea mi khan karone, ekta daan Iosr ke mitha gun nimite”(Ephesians 5:2). Sob podh khan 1 cor chap 13 te koi  ami khan laga atma laga kotha jinika mitha gun chandan gash nishina, apuni bi phelabo lage mitha gun jinika chandan gash khan lagai ken ease Isor pora.

Aji bhabna koribole laga pobitro  ktoha tu hoile Romans 5:5 “itya akha pora nirakha nadiye, kilekoile morom Isor laga bhori ase ami khan laga mon te pobitro atma pora junke ami khan ke dishe”.