Nov 19 – BIYA BHABNA!

Genesis 27:41 “aru Esau koishe tai laga mon te, “din khan matam laga ami baba karone ase usor te; titya ami morai dibo ami laga bhai Jacob  ke”.

Ekt karon kile Esau harishe tai laga atmaakarik judho te ase kilekoile tai laga tita aru badla pora.

Pobitro kotha te koi, “naghurabi biya biya karone nahoilebi ninda ke ninda te, hoilebi itu laga badly te ashirbaad jani kene ki apuni ke matishe itu karone, ki apuni pabole ashirbaaad ke” (1 Peter 3:9).

“itu karone judi apuni ane apuni laga uphar dhip te, aru tate yaad ahe ki apuni laga bhai ase ki apuni laga khilaf te, charibi apuni laga uphar ke agete dhip laga, aru jabi apuni laga rasta. Poila hobi milap apuni laga bhai logote, aru titya ahibi aru dibi apuni laga uphar ke” (Matthew 5:23-24).

“sai kene dhyan pora judi kunuba komi ase anugrah te Isor laga;judi iku jor tita laga ulai ase diye samasya, aru itu pora bishi  moila hoi ase; judi tate biya manu Esau nishina, kun ek baar laga khana nimite bikai dishe jonom adhikaa” (Hebrews 12:15-16).

Judi bi Esau mana korishe isor ke, isor pora nirantar dikhaishe Tai laga daya ke Esau aru tai laga gushti khan ke. Isor koishe Israelites khan ke, “apuni ghrina nakoribi ekta Edomite ke kilekoiole taia se apuni laga bhai” (Deuteronomy 23:7).

Hoilebi Edomites nirnatar ghrina korishe Israelites khan ke. Jitya Israelites khan thakishe tai khan laga rasta te Canaan karone, tai khan hudishe anumati paar koribole edomites khan laga mati pora. Hoilebi Edom pora koishe, “apuni paar nakoribo amilaga mati pora, nahoile ami ulai ahibo khilaf te apuni laga tarwal loi kene” (Numbers 20:18).

Jitya ami khan porhe vanshawli ke raja Herod laga, ami khan buje ki tai laga baba ahishe vansh pora Esau laga. Aru itu thakishe iki Herod nishina jun ke dhalishe mrityu te sob mota bacha khan jun thakishe Bethlehem aru sob nagar khan te, dui saal aru niche te jitya tai hunishe taikhan laga jonom ke Jisu laga Matthew 2:16.

Herod pora moraishe James ke, chel Jisu laga; aru tai laga hekh saans logote tai khara korishe khilaf te Girja laga (Acts 12:1-2).

Pura vanshawli Esau laga ahishe biya shrap te aru tai khan kitya bi pachtawa koranai aru kitya bi ghuranai isor te. Itu karone kile isor pora khotom kore vansh ke Esau laga pura prithibi te. Aru tate pushti nai Esau laga aji prithibi te.

Aji dhyan koribole laga pobitro kotha tu hoile Matthew 11:28 “ahibi Ami te, sob jon jun dukh korishe aru ase bhar aru Ami dibo apuni ke ahram”.