Nov 19 – BHAL ICHA MANU PHINE!

Luke 2:14 “mahima Isor ke sobse uncha, aru prithibi te shanty, bhl icha manu phine!”

Itu tisra bhag swagat te swarga laga  duth khan laga koi ase bhal icha ke manu phine,  nahoile morom manu karone. Isor dikhai itu morom ke jitya nirmaan korishe manu ke. Jitya apuni paar kore hodai din ke, apuni dikhibo  achurit mahal  aru mukut mahima laga juntu isor pora tayar korishe apuni karone, aru mahima kori thakibi Tai ke.

Jitya Isor Jisu ahishe itu prthibi te, Tai rakhishe pura Tai laga morom aru Baba te. Tai koishe: “Baba pora Ami ke ekla    charanai, kilekoile Ami hodai kore kaam khan juntu Tai ke khushi kore” (John 8:29). Jitya apuni rakhe apuni laga morom Isor te, Tai apuni te aru bi bishi morom hobo aru tai pora matibo apuni ke Tai laga morom aru Thik wala. Tai pra aru apuni kematibo bishi morom thaka, jinika Tai mate Daniel ke.

British evangelist Smith Wigglesworth ekbar jai thakishe train pora. Aru jawan khan jun bohi thakishe utu boggi te koishe taike: “sir, itu achurit Maujudgi apuni laga chehra te, amimkhan ke galti bonai ami khan laga paap te; itu pora ane bhoi Isor laga aru aru ami khan ke kapai diye”. Aru tai khan sob kandibole shuru hoi.

Pichete jitya Smith Wigglesworth  koishe itu ghatna ke, tai koishe: “Isor Jisu kiman bhal ase ami ke, aru ami morom kore Tai kea mi laga sob te. Ami khali dhonyabad ase bhabna kori kene ji Tai pora korishe ami karone jibon te. Ami laga hisab te, utu homoi hi ase jitya  maujudgi  Isor laga ami uporte ahishe pare”.

Jitya ekta manu rakhe morom ke Isor phine, manu aru saman khan laga uporte; aru sob prithibi laga icha khan te, titni hoile paap aru aru sapha  nathaka khan  utu manu laga jibon te ghuse. Pobitro kotha te koi: “ki apuni najane ki sathi prithibi logote thaka tu Isor logote dusmani ase? Jun bi itu karone hobo mon jai sathi prithibi logote bonai nijor ke ekta dushman Isor laga”” (James 4:4)

Itu karone, narakhibi kitya bi apuni laga morom ke poisa te, saman khan te nahoilebi prithibi laga lobh khan te. Hoilebi rakhibi apuni laga morom khan ke Jisu Krista te, jun phelaishe Tai laga sob mahima khan ke aru ahishe itu prithibi te aru loishe nijor ke nanukar nishina aru  tyag dishe Tai laga jibon ke kruste bachabole apuni laga jibon ke biya pora. Kiman morom apuni thakibo Tai phine, itu pra khali anibo ashirbaad ke aru  bhal khan apuni te. Psalms likha David koishe: “kun ase Ami karone swarg te hoilebi Apuni? Aru tate nai prithibi te juntu ami icha kore apuni ke chari kene” (Pslam 73:25).

Isor laga bacha khan, judi apuni morom kore Isor ke, apuni bisaribo thakibole Tai laga maujudgi te aru bohi bo Tai laga theng te. Apuni  bisari pabo dangor anondo aru khushi jabole Girja te Isor laga, mahima koribole aru seva koribole Tai ke aru hunibole Tai laga kotha ke.

Aji bhabna koribole laga pobitro kotha tu hoile Pslam 90:17 “aru hobole dibi sundarta ke Isor ami  khan laga Prabhu laga ami khan uporte, aru khara koribi kaam ke ami khan laga hath laga ami khan karone; hoi khara koribi kaam khan ami khan laga hath khan laga”.