Nov 19 – Angante Aman D’a Lingan Sanle Padle Yerte!

“Angante aman d’a lingan sanle padle yerte, do angante aman alonji a tarangdi sanle yerte seletten kuni d’ong-nam” (Jisaiya 43:2)

Seletten Israel maranji rzngrzng tulab lingan endungle yerreji do Gamangtungan anin a tam bernan ambrij anta ayam saring nami sikkoi ja d’ong-hen abm’englih. Bar gija, nami hen unji kurdi-monloi minhuman delih. Dele janang Mojes angante appailih angale ranadu-hen dakule, ettele nami janang daku.

Do sanun apsele engale ranapti-hen dakule, ettele nami janang daku”. Do sarebasingan saring er dunglabe anamnan bar garberan batte tamba-togal anin Kitungan a d’ong gangkileten. Do Anna abmele, Bibol-lingan gijtabe: “do antayam saring anin unji kurdi-unji inhum ambrij a delen sikkoi ja juarboijan dele.

Tanahimdam Kitungan a onagji, a kudidongne amben a talaiba tabenan abmele. Bibol-lingan gijtabe “dananggarda-nam raja-ontidan ambrij tabme dete. Kan a berna gadlamlangten “Bindo ayengan a mandranji Gamangtungan apsele omdeteji, aninji tabme tabme ranaptin hangteji; aninji raja-ontidan ambrij renengle lanangkaban engteji; aninji yzetenji bindo lingkij ongkijge adde-eji. Mojes do kuddub Israel a mandranji J’e ganungban dakuleji. Ordaran ogandite Talaiba ayam abmele iten asan gamlenden eram’oihdage amandrengna. Ateng mandranji talaiban ayam-ling oganditeji a passijanji abmele bo surda anabdukkan dete gamle (Sanenken 91:7).

Orde iten dete aninji rugaman batte bzmbzman delenden gamle. Bindo Kitungan a mandranji, talaiba ayam er t’ulan ted aberna bindo ranadun. Kan anangan abernated bindo anabsittan aberna. Ordardage a dane maranji gijgijba. Tamilnadu lingan, Rajaji bo danemar, do orde. ‘Oeriyaar’ gamle gamteji, ayengan amandranji ranukkun abmele tanangteji, bagu manengba bara dete.

Aninji mandranji amang yirle mailen do kuddub sanaisajanji tiyteji. Angante aninji ateng mihnum deteji adnang janang. Aroyonganji agaja erasihdlabe orde kun bara lumteji, ameng adakutenji adnang sikkoija Do amihnumanji abmele itejated. (Bagujuaber 20:1).

Tanahimdam Kitungan a onagji, Jisu Kristun, ayengan ordarban yirrai ruangan saring mandran eldamlen, kanina ate bangsa arobjong beran garberna mandrengna lingan. Do Anin na ranapti dainan tiylangten. Ajardina, ganalaman hangteji kun Talaiba ayamlen, kun ayamlen kun dane maranji sanayam baran lumteji (Mattiu 28:20).

Okiy Kinolbe absele: “Aman bantongdong; iten asan gamlenden Hen aman ampara daku. Aman tunggerderdage dedong; iten asan gamlenden Hen Kitung-nam. Hen d’ong-nam rabdutai; u u, Hen d’ong-nam saiyamtai. Bar janang roitad jandrumsi-Hen batte d’ong-nam hamle dakkutai” (Jisaiya 41:10)