Nov 18 – TUKKACHARIBA PUKNING!

“Aremba wakhalsingbu tukkachei: adubu nahakki yathangdi nungshijei.” (Psalm 119:113).

Thabak khudingmaksi wakhal pukningdagi thorakpa ngaktani. Mioibana khanduna ngangduna aduga thabak oina pangthoklak i. wakhalsingbu asengba oiba matamda thabaksingsu sengbani. Mioibagi wakhalda asengba amadi lousing leirabadi punshi adu nungaibani.

Wakhal sing asi kadaidagi lakpage haiba asigi maramda tongan tonganba mot pinabada mi mayam lei. Kanagumba kharana pukningdagi thokpani hai, kanagumba khrana thamoidagi thokpani hai, atoppa kharana heisingbada thokpani hai. Aduga madugi hourakpham asengba  adu kananasu sengna phongdokpa ngamdre. Adubu masigi wakhalsing asina mi amabu wa nganghalli amadi thabak touhanbani. (Job 20:2).

Mi amana mahakki wakhal sing asi phajaba cheksinjagadabani. Wakhalsing asi pukninggi maragumbani. Maram adubu aphaba oiba matamda upanbi adusu aphaba oigani. Houjikkangi amtam asida misingna phattaba touriba asigi maramdi makhoina aremba wakhal thambagini. (Psalm 2:1).  Aduga makhoina nupi nupa lannabagi wakhal thamagi maramna makhoina Iswardagi lapthok I aduga hingbagi lambidagisu lapthok i. (Proverbs 5:6).

Nongmasi Davidna aremba wakhalsing tukkachaduna Iswargi waheisingbu nungshige haina khallammi. (Psalm 119:113).  Masida eikhona uribasi Davidna louriba achetpa warep aniduni: aremba wakhalsing tukkachaba,amadi Iswargi wayel yathang bu nungshi asini. Aremba wakhalsingdagi ngakthochanaba mahakna Iswarda ngajarammi. Mahakna asumna haijarammi, “ eibu thidokpiyu, O Iswar, aduga eigi thamoibu khangbiyu aduga eigi nungda awabasi khangbiyu.” (Psalm 139:23). Prabhu Jesuna mi khudingmakki wakhalbu khangbi, Pharisees sing amadi Sadducees singgi wakhal su khangbibani.  (Mathew 12:25).  Makhoina Iswargi maramda nattaduna taibangpangi khaktada wakhal touriba adugi damakta Prabhuna makhoibu cheibirammi.  (Mathew 16:23).

Phattaba wakhalsing nahakki thamoida lakpa matamda, thawai asengbana madu thingduna swargagi oiba wakhalsing pusinba aduni. Sastrana hai, “ maramdi hakchanggi oiba wakhal aduna asiba purakpani, adubu thawaigi maramda khalliba adudi hingba amadi ingthabani. Maramdi hakchanggi oiba adudi Iswarga yeknabani aduga Iswargi maiyoktani. Aduna  hakchanggi oiba misingna Iswarbu penhanba ngamde. Adubu nakhoidi hakchangda nataduna thawaidani. Madu Iswargi thawaina nakhoigi nungda leirabadi  oibani. Kanagumba mi amana Christagi thawai leitrabadi mahak Christagi natte.” (Romans 8:6-9).

Aremba wakhal tukkachaba yabagi sojeidi Iswargi waheibu nungshibagi mapanna oigani. Sastragi wahei aduda dhyan touba,paba, aduga nahakki punshi adusu sastragi waheigi matung inna hingba,maduna nahakki aremba wakhalsingbu mutthatkani.

Sastragi wahei adu Thawai asengbana thoujalga loinana nangonda pibibani,aduga maduna hingba amadi thawaibu pibibani. Aduga eikhoina Biblegi verse sing asida dhyan touba matamda,khangba pumnamaktagi hendoklaba Iswardagi lakpa ingthaba aduna nakhoigi thammoi amasung pukningbu Christa Jesuda ngaksenduna thambaigani.” (Philippians 4:7)

Dhyan tougadaba: “mi khudingmakna maranaigi oiba adutta yengloidabani, adubu mi khudingna atoppasinggi damaksu yenggadabani.  ” (Philippians 2:4-5).