Nov 18 – JITYA APUNI JAI PANI PAAR KORI KENE!

Isaiah 43:2 “jitya apuni par kore pani ke, Ami apuni logote thakibo; aru pura nadi te bi, aru tai khan apuni laga upor nahobo. Jitya apuni berai jui te, apuni najolibo, nahoilebi jui pora apuni ke jokhom nakoribo.”

Moses aru sob bacha khan Israel laga Lal samaundar laga kina rte thakishe. tai khan agete thakishe ekta dangor Lal Samundar  tai khan najani thakishe ki kinka par koribo utu pani khan ke samundar laga? Itu napara laga thakishe Israel manu khan karone; dui lakh uporte, jawan aru bacha milai kene thakishe.

Hoilebi Isor pora  bhag korishe ki dangor Lal Samundar ke Moses lagahi pora. Jitya Israel manu khan par hoishe pani ke, tai khan mehsus koribo parishe Isor laga maujudgi te berai thakishe. Psalms likha david pora darj korishe tai laga anubhav khan inika: “titya pani khan pora ami khan ke bhorta koribo thakishe, jharna khan ami khan laga atma laga upor hoishe; titya phula laga pani khan paar kore ami khan laga atma ke” (psalm 124:4-5). David narukhi kene dhonyabad diye itu koi kene, “ashirbaad ase Isor ke, jun pora ami khan ke shikar hobo diyanai tai khanlaga daanth nimite”.

Isor laga bacha khan aru bi ekta pani paar koribo lagishe. Itu nadi Jordan thakishe; juntu bhorta hoi sob kinara te dhan katia  homoi te. Jitya pani   khantezipora ahe, itu pora bahai kene loi jabo kunke hoilebi. Itu karon nimite, itu ke nadi mora laga koi kene bi mate. Hoilebi apuni jane ki Israel manu khan pora korishe, utu nadi ke paar koribole? Aru pani khan Jordan laga kata khaishe,a ru khara hoijaishe uncha kori kene. Itu kiman achurit ase bhabna koribole itu stithi ke apuni laga mon te.a ru ekbaar pani khara hoijsieh uncha kori kene, Israel khan beraishe iman rajyogharana hisab te aru paar korishe Nadi Jordan ke.

Aji, apuni ifane ufane hoi ase pare pai logote dukh aru sorom laga apuni laga jibon te? Pobitro kotha te koi: “aru judi bi Isor diye apuni ke ruti laga komi aru pani laga komi, hoilbi apuni laga guru khan  nahilibi kona te, hoilebi apuni laga suku pora dikhibo apuni laga guru khan ke. Apuni laga kaan pora hunibo ekta kotha apui pichete, koi kene, “itu rasta ase, berabi itu te,”jityabi apuni ghure dayna phine nahoilebi judi apuni baya ghure” (Isaiah 30:20-21”

Aru ekta pani thakishe juntu Elijah aru Elisha paar koribo lage. Aru Elijah tai laga lathi uthai kene marishe pani te itu pani ke bhag koribole, itu ke par koribole. Itu ekta chinai diya kapra nishina pobitro atma laga shakti ke dikhai diye. Apuni bi lage pobitro atma laga shakti paar koribole apuni laga dukh khan ke jibon laga. Isor laga bcha khan, itu dhar pani laga apuni ke paar nakoribo. Nahoilebi itu dukh khan apuni laga jibon laga apuni ke paar nakoribo, kilekoile Iosr apuni logote berai ase.

Aji bhabna koribole laga pobitro kotha tu hoile psalm 66:12 “apuni hobole dishe manu ke cholabole matha upor; ammi khan jui aru pani paar korishe; hoilebi apuni anishe ami khan ke itu dhan pura koribole.”