Nov 17 – MON JUNTU KORE ICHA!

Psalm 45:10:11 “Hunibi, o suwali, manibi aru icha koribi apuni laga kaan; pahoribi apuni laga nijor manu khan ke bi, aru apuni baba lagaghor ke bi;ki Raja pora icha koribo apuni laga sundarta ke; kilekoile Tai ase apuni laga Isor, seva koribi Tai ke.”

Ekbaar ekta Rajkumar jaishe pura desh te tai laga rath gari te lok koribole nagarik khan ke. Pura rasta tai lok kora laga sapha korishe aru sajai she homoi laga agete. Bhir laga majete, thakishe ekta dukhiya jawan suwali, jun rukhishe sabole rajkumar ke. Hoilebi sai kene tai laga dukhiya haal ke aru biya kapra khan ke, sena khan khedabole korishe tai ke bhir laga maje pora. Aru tai jaishe, ekta gash usorte aru kandishe tai laga nijor haal te; aru ini saishe age kinika hoilebi dikhi pabole rajkumar ke. Rajkumar bohi thakishe mahaanta pora tai laga rathgari te, agete thaki kene sena khan ghora aru hathi khan te. Achanak tai dikhishe utu dukhiya suwali ke jun sai thakishe taike dur pora iman utsukta loi kene.

Tai joldh hi saishe tai laga mantra ke jun bohi thakishe tai usorte aru koishe, “anibi utu jawan suwali ke, pura raj laga sonman di kene aru tai bonibo ami laga rani”. Utu homoi te hi pura dukhiya haal utu suwali laga bonishe atith. Utu iki sena khan jun khedaishe tai ke, itya mati ase tai ke pura sonman aru morom logote. Tai ke lagai dishe raj ghor laga kapra khan ke. Sauta naukar aru naukarani khan ke lagaishe kaam te tai laga dekh bhal laga. Aru iman joldh hi tai barhi jaishe ekta rani te desh laga.

Pobitro kotha te, ami khan porhe Ruth laga kotha ke, jun thakishe dukhiya porivaar pora. Jinika besahara nishina tai uthai dhana khan ke juntu gire kheti te. Hoilebi kilekoile Isor morom korishe tai ke, Tai uthai dishe tai ke ekta dulhan hobole dhon Boaz laga. Boaz ase chaya nishina Krista laga; Ruth ase chaya Girja laga jinika; aru Naomi  ase jun diye buddhi salha ase chaya Pobitro atma jinka.

“Naomi tai laga sasu maa koishe taike, “Ami laga suwali, ki ami nabisare apuni karone suraksha, ki apuni loogte bhal hobole?” (Ruth 3:1). Tai iman chinta thakishe  Ruth  laga aha din khan nimite. Ajibi, Pobitro atma icha kore khara koribole  apuni ke ektadagi natahka dulhan hobole Krista Jisu nimite.

Isor laga bacha khan, sabi Pobitro kotha ke. Isor jisu ase apuni laga baba; aru Tai ase anugrah Tai laga bacha khan nimite. Tai ahrama diye aru dilasa diye jinika ama.Tai ase jinika bhai aru dost. Tai ase jinika bhal pastor aru achurit salhakar;aru sathi apuni laga atma nimite. Itu karone, itu zaroori ase ki apuni rakhibo lage apuni laga jibon ke pobitro aru iku dagi nathaki kene.

Aji dhyan koribole laga pobitro kotha tu hoile Revelation 19:8 “Aru taike itu dishe milibole ekta bhal kapra te, sapha aru ujala, kilekoile bhal kapra ase dharmikta kaam pondit khan laga”.