Nov 16 – SHURUNADI BUDHI LAGA!

Proverbs 18:4 “shabdh khan ekta manu laga mukh laga gehra pani nishina ase; shuru hoa budhi laga bahe ekta chutu nadi nishina.

Raja Solomon, jun laga gyan dangor thakishe sob budhimaan manu khan pora itu prithibi laga; tulna kore budhi ke ekta jharna aru bahi thaka nadi nishina. Hosabi, itu budhi Isor laga bahe swarg laga nadi pora.

Tate prithibi laga budhi ase aru atmakarik budhi ase. Aru Isor diye pura budhi Tai laga bacha khan ke. Judi bi apuni nathakibo lage kapat kopou nishina, apuni khan chalak bi hobo lage saap nishina.

Apuni khan budhi lage chutu kaam koribole bi. Judi apuni koi aru kore kaam budhi lagai kene, apuni kityabi afsos nakoribo pichete apuni laga kotha nahoile kaam uporte. Ami khan laga Isor Jisu kitya bi wapas kotha lobo laganai nahoilebi maaph mangibo laganai tai laga iku kotha karone bi. Itu kilekoile  Tai koshe sob kotha khan ke, Isor laga budhi pora. Aru Tai hi ase Shuru nadi nishina apuni laga budhi laga.

Pobitro Kotha te koi: “judi kunuba komi ase budhi te, manibo dibi tai khan ke Isor pora, jun pora diye sob ke asani pora iku namangi kene, aru itu dibo taike shuru nadi budhi laga.” (James 1:5).

Ekta rajyo te bishi sipahi thakibo pare, aru bishi bandookh aru barudh hobo pare. Hoilebi judi tai khan ekta budhi lora laga niom nai koile, tinihoile itu bishi sipahi, bondookh aru barudh khan iku kaam nadibo lorai te. Kunuba khan bishi kitab porhishe pare aru paishe bishi degree khan. Hoilebi judi tai budhi nai itu gyan ke cholabole, utu sikha laga iku motlob nai. isor laga bacha khan , dhuri thakibi Iosr laga budhi aru Tai laga salha khan ke.

Apuni khan hodai hi kunuba manu thakibo pare jun bisare galti apuni te. Satan bi berai thake bisari kene mauka galti paa laga, iljam lagabole aru apuni ke girai dibole apuni laga kotha aru kaam khan pora. Itu karone apuni khan atma laga budhi  laga apuni ke modot koribole stithi khan te gyan hisab pora.

Bishi Pharisees khan, Sadducees aru scribes khan tayar  korishe ki kinika tai khan ulata koribo aru bisaribo galti ke Isor Jisu Krista te. Tai khan hidishe anginat sawal Tai ke; judi itu niom ase tax khan bharibole Caesar ke (matthew 22:15-22), judi tai khan pathor mari kene maiki  ke morai dibo jun khan mota thaki kene bodmas kora pai (John 8:4-5). Hoilebi jitya Iosr pora jawab dishe tai khan ke isor laga  budhi logote, tai khan sob achurit hoishe aru himmot koranai sawal  koribole. Hosabi, Isor pora kosom dishe inika budhi ami khan sob ke; budhi juntu ke chunauti dibo napare.

Aji bhabna koribole laga pobitro otha tu hoile james 3:17 “hoilebi itu budhi juntu upor pora ase sapha, shanty thaka, norom, dhan lagabole laga, bhorta daya pora aru bhal phal khan pora, iku pakshpath aru dhong nakori kene.”