Nov 16 – ISOR LAGA MOROM DIKHAI DIYA GAU PORA!

1 John 4:9 “itu te Isor laga morom ke dikhai ami khan nimite, ki Isor pora dishe Tai laga ekta Putro itu prithibi te, ki ami khan jiyabo Tai pora hi.”

Isor aru morom kea lag koribo napare.  Judi morom ke loi jai dur sundor duth pora, tai bodli bo ekta satan te. Judi apuni loi jai morom ke swarg pora,, itu bodli bo narak te. Ekta manu bina morom te bonibo jongli aru adim. Apuni pare, hoilebi kitya bi bhabna nakoribi loi jabole morom ke Isor pora, kilekoile Isor morom ase.

Ki itu ekta sadharan kaam ase Isor isor khan laga nimite, ahibole niche prithibi te? Tai thakishe swarg te Tai laga Baba Prabhu logote, aru berai thaki kene rasta te sona laga aru seva loi kene swarg duth khan pora. Itu manu khan laga bhabna pora dur ase ki Isor isor khan laga ahibo itu prithibi te juntu  bhorta ase moila aru biya khan pora hi. Ki ekta manu cholabo tai laga ahram aru dhon ke mahal laga, thakibole ahibo machar pora digdar diya laga jaga Chennai nishina te?

Hoilebi ami khan laga Isor, kilekoile morom Tai laga ami khan karone thaka nimite, charishe   itu sob ahram khan swarg laga aru ahishe nichete prithibi  te gau aru khoon te. Tai bonaishe Nijor ke iku pratishtha nathaki kene swarg laga, loi kene ekta naukar laga roop ke,a ru ahishe manu nishina. Tai laga nomrota dikhai kiman tok Tai laga morom ami khan karone ase.

Ekbaar kitya Dr. Billy Graham berai thakishe rasta te, tai dihishe chimti khan ke aru paar korishe tai khan ke nachipai kene. Tai bhabna korishe nijor ke ki judi tai shakti thakile bonibole ekta chimti, tai kobo paribo thakishe ki tai kun ke bi biya koribole ahanai.

Jitya ekta manu bonibo napare chimti, Isor tai laga hodai din laga morom te, ahishe prithibi te ekta manu hoi kene. Isor jun koishe ki swarg tu Tai laga rajyo ase aru prithibi tai laga theng laga pira, ahishe prithibi te gau aru khun te, ekta manu hoi kene, kilekoile Tai laga achurit morom pora ami khan karone.

Bishi porivaar khan Tamilnadu pora jaishe United States te Tai khan laga porivaar logote. Aru judi apuni ke hudi bo aha laga pushti khan ke utu porivaar khan laga judi tai khan wapas ahibole mon jai india te, tai khan laga jawab inika hobo: “oh itu bhorta thakibo moila aru dhul pora. Kinika ami khan tate thakibo?  Sob ami khan laga kapra khan tate moi la hoi jabo judi ami khan tate jai”. Tai khan aru bi hude bishi sawal ke judi tate bazaar khan ase United States khan nishina.

Hoilebi bishi missionary khan United States khan pora aru United Kingdom khan pora tyad dishe tai khan ji thakishe aru ahishe India te Iosr ke seva dibole. Itu kilekoile morom Isor Jisu laga ase tai khan laga mon te. Tai khan laga sawal tu bishi asaan ase: “jitya Jisu Krista, Isor Swarg laga, charishe tyag dishe ami khan karone, ki ami khan bi nacharibo lage ahram khan ke aru ami khan laga desh ke Tai ke seva dibole nimite?

Isor laga bacha khan, apuni kitya bi lobule nparibo morom ke Isor pora, kilekoile Isor morom ase.

Aji bhaban koribole laga pobitro kotha tu hoile Hebrews 2:14 “jiman tok tinihoile ekta bacha nishina bhag loishe gau te aru khun te, Tai nijor bi inika hi bhag loishe”.