Nov 16 – BHABNA KORA NATIJA KE!

Hebrews 13:7 “yaad rakhibi jun khan raj kore apuni ke, jun pora koishe kotha Isor laga apuni ke, jun laga biswas piche hoi, bhabna koribi natija ke tai khan laga vyabahar laga”.

Isor pora anugrah te darj rakhishe uttam jibon khan bishi pondit khanlaga, Pobitro kotha te. Itu hosa bi khushi ase porhibole tai khan laga biswas ke; aru tai khan laga morom keIsor nimite. Chela Paul koi amikhan ke bhabna koribole natija ke taikhan laga vyabahar laga itu biswas sena khan laga; aru piche hobole tai khan laga biswas ke.

Aji ahibi dhyan koribo gauravmai natija ke vyabahar laga joseph laga. “biswas pora Joseph, jitya tai morishe, koishe charija ke Israel laga bacha khan, aru dishe nirdesh khan bhabna koribole tai laga haddi khan ke” (Hebrews 11:22). Jitya itu thakishe homoi Joseph laga jabole itu prithibi pora tai bhoi bi koranai aru chinta bi hoanai. “Joseph koishe tai laga bhai khan ke, “Ami mori ase; hoilebi Isor pora hosabi lok koribo apunike, aru anibo apunike itu matite juntu Tai pratigya dishe Abraham, Isaac, aru Jacob ke.”titya Joseph loishe ekta kosom bacha khan pora Israel laga, koi kene, “Isor pora hosa bi lok koribo apunike, aru apuni dhuribo ami laga haddi khan ke yate”(Genesis50:24-25).

Ki thakishe akhri icha Joseph laga? Tai icha korishe ki tai laga haddi khan nathakibo Egypt te; tai khan ke loi jabo pratigya mati te Canaan laga, bahi thaka dudh aru shehed. Tai icha korishe tai laga haddi khan ke dababo lage tai laga bura baba khan logote Abraham, Isaac aru Jacob logote; toh tai uthibo tai khan logote hekh din te.

Charsau tis saal pichete joseph mora pichete, Isor lok korishe Israelites khan ke aru jabole dishe tai khan ke pratigya mati te. Utu homoi te, tai khan loishe haddi khan ke Joseph laga tai khan logte. Tate thakishe haddi Joseph laga agete; a ru Israelites khan piche jai thakishe. itu ase bhal chabi kinika itu hobo Din te Isor laga; Krista te mora khan age uthibo; titya ami khan jun ase jinda thakibo bodli hobo ek homoi te aru lok koribo Isor ke haw ate.

Isor laga bacha khan, hobole dibi apuni laga jibon pabole iku dagi nathaki kene, jinika jibon Joseph laga; toh ki apuni lok koribo Isor ke Din te Tai aha laga. Joseph polaishe paap pora; aru bishi dhojyo samna korishe sob porikha te. Itu karone tai ke thik korishe divya vyabahar te. Ami khan laga jibon hobo ashirbaad judi amikhan jiyai ,tai loogte amikhan laga adarsh mani kene.

Ajidhyan koribole laga pobitro kotha tu hoile Romans 8:28 “aru amikhan jane ki sob sman khan kaam kore iki logote taikhan karone jun khan morom kore isor ke, taikhan jun khan ke matishe Tai laga uddesh nimite”.