Nov 14 – APUNI PYASA ASE?

Revelation 21:6 “aru Tai amike koishe, “itu hoishe! Ami ase Shuru aru Ses. Ami dibo jharna jibon laga muft te tai ke jun pyas lage”.

Uttam ashirbaad khan Isor laga ahe khali tai khan uporte jun pyas lage jinda Isor nimite. Isor mate tai khan ke jun pyasa ase; Taite. Judi apuni pyasa ase atmakarik kotha khan nimite aru kotha juntu atma laga koi, Isor pora bujhai apuni laga pyas ke. Pyas  thakibo pare gau pora nahoilebi khali ekbar nimite aru paap icha khan itu prithibi laga hobo pare atmakarik pyas hisab te.

Aji, karon najana  khan laga nimite, manu khan pyas lage aru bisare poisa aru naam. Tai khan santusht nai Jodi bi tai khan sob dhon ke pai ken ease. Bishi jawan khan pyas lage prithibi laga icha khan nimite aru hoi bandhi biya aru paap khan laga, aru mudhu kha te. Manu laga mon tu pura bhorta ase pyas pora, aru jun khan najane bhal ke atma laga pyas ke, berai paap icha khan pichete aru biya kore nijor ke.

Hoilebi ami khan anondo pora achurit hoi sabole pyas ke raja David laga. Tai koi; “harin nishina jinika bisare pani lagan ala khan, inika ami laga atma bisare Apuni ke oh Isor. Ami laga atma pyas Lage jinda Isor nimite. Kitya ami ahibo aru thakibo Isor laga agete?” (Psalm 42:1-2). Aru bi tai koi, bishi icha kori kene: “oh Iosr, Apuni hi ami laga Isor ase; joldi bisaribo ami Apuni ke; ami laga atma pyasa lage Apuni te; ami laga gau bisare Apuni ke ekta sukha aru pyasa mmati nishina jote pani nai”. (Psalm 63:1).

Isor bhorta kore tai khan ke jun khan pyas lage Tai laga maujudgi aru mahima nimite. Swarg laga nadi; Pobitro Atma juntu bahe tezi pora khali tai khan phine jun khan pyas lage, aru santusht kore sob icha khan tai khan laga atma laga. Aru tai khan kitya bi pyas nalagibo itu prithibibi saman khan karone.

Jitya Samaritan maiki lok paishe isor ke, Tai koishe; “jun khai itu laga  pani aru kitya bi pyasa lagibo. Hoilebi jun khai pani Ami diya laga kityabi pyas nalagibo. Hoilebi pani juntu ami dibo tai ke hoijabi tai te ekta jharna pani laga ulai thaka hodai din laga jibon nimite” (John 4:13:14). Itu maiki Tai ke koishe, malik itu pani ami ke dibi, ki ami pyas nalagibo, nahoilebi yate pani uthabole nahibo” (john 4:15)

Isor laga bcah khan, apuni bi ahibo isor laga maujudgi te ekta gehra icha loi kene atma laga? Ki apuni mangibo Pobitro Atma ke; nadi jinda pani laga swarg pora aru Isor laga maujudgi nimite? Isor  icha kore bhorta koribole utu sob khali dibaa khan juntu ulai diye Taike  ekta gehra icha loi kene tai laga atma te.

Aji bhabna koribole laga pobitro kotha tu hoile Isaiah 55:1 “oh! Sob jun pyasa lage ahibi pani usorte; aru tai jun poisa nai, ahibi kinibi aru khabi. Hoi ahibi, kinibi angur ras aru dudh bina poisa te” (Isaiah 55:1).