Nov 12 – BHAL UPHAR!

James 1:17 “sob bhal uphar khan aru thik uphar khan upor pora ase, aru ahe nichete Baba pora ujala laga”.

Ami khan laga Isor iman bhal ase,a ru ami khan pai ami khan laga sob ashirbaad khan , bhal uphar khan aru modot khan khali Tai pora. Tai diye ami khan ke sob uphar khan aru muft pora.

Itu shabdh uphar khan, koi motlob ke inaam laga nahoilebi daan laga. Tai khan ke kamai diya nahoi ami khan lagakaam pora. Hoilebi morom pora diya laga ami khan ke Isor laga daya te.

Bishi saal agete, ekta dhon manu bhoj thakishe tai laga sathi khan logote hotel te. Kaam kora khan utu  hotel laga bishi bhal thakishe aru loishe bhal pora khayal tai laga; aru dishe tai koa hisab te morom pora. Aru bhoj pichete, itu dhon manu rakhishe ekta uphar envelop te.

Jitya kaam kora staff [ichete khulishe envelope  ke, tai khan ekta dangor achurit hoishe, tat eek hazar bis Singapore laga dollar thakishe utu bhitor te. Tai khan bhbna koribole rokhanai ki kinika kunba iman dayalu hoi kene uphar dibo pare ekta hotel laga staff te. Khali olop pichete, tai khan janibo parishe ki utu manu tu Brunei laga raja thakishe. Tai khan laga anondo tu bishi hoishe inika uphar ke pabole.

Ami khan laga Isor tu raja khan laga Raja ase aru isor khan laga Isor ase. “Tai jun ashirbaad ase aru khali shaktishali thakishe,Raja raja khan laga aru Isor isor khan laga jun khali hodai din jinda thake, napunchivole laga ujala, jun kun manu bi sanai nahoilebi sabole paribo, junke sonman ase aru hodai din laga shakti. Amen.” (1 Timothy 6:15-16). Tai hi ase Baba ujala laga aru ghati laga lily khan. Toh apuni bhabna koribole pare aru  bhorta hobo uphar juntu apuni Tai pora pabo?

Tai dishe muft pora suraj, chandh aru tara khan; pahar khan aru; kisim laga phal khan aru bishi kisim laga chiriya aru janwar khan. Tai dishe itu kha sob muft laga uphar te.

Hoilebi sobse dangor uphar ase uphar  hodai din laga jibon,jibon juntu hodai din thakibo. Utu hodai din karone ase anondo; hodai laaga jibon aru swarg laga bhal khan. Apuni khan itu ke pai paap ke khedai kene. Koi kene  utu dangor uphar laga chelapaul pora koi: “kamai pap laga mora hi ase, hoilebi uphar Isor laga hodai din karone ase jibon Krista Jisu te amikhan laga Isor” (Romans 6:23)

Isor laga bacha khan, apuni pabo itu dangor uphar ke paap ke khedai kene? Ki apuni anondo ase mukti laga apuni te?  Utu te, mahima aru seva koribi isor ke pura khushi hoi kene.

Aji bhabna koribolelaga pobitro kotha tu hoile Ephesians 2:8 “kilekoile daya pora apuni bachishe biswas pora, aru ki apuni nijor pora nahoi; itu uphar ase Isor laga”.