Nov 11 – UJALA JIBON LAGA!

John 1:4-5 “Tai te jibon thakishe, aru utu jibon hi ujala hoihe manukhan karone. Aru utu ujala chamke andhera te,a ru andhera taike paar koribo napare.”

Ami khan laga Isor Jisu hi ujala ase jibon laga. Tai ahishe prithibi te jolabole utu swarg laga ujala ke sob mon te juntu prathana kore Tai ke bodli koribole andhera ke tai laga jibon te aru chamki bole Tai laga ujala pora – juntu ujala ase jibonlaga. Isor Jisu dibo pare utu ujala ke jibon laga, kiman andhera mopn te thakile bi, nhoile kiman dangor andhera chaya ase papi jibon laga hoilebi.

Naai kene judi bi kunba  dukhiya nahoile bi dhoni, nasai kene judi bi kunuba samaj te khara kora nahoile bi tai khan laga pora te; utu manu judi mane Krista ke mon  te, aru rakhe tai laga biswas ke Krista te, tini hoile isor hosa bi chamki bo ujala jibon laga tai te.

Pobitro kotha te koi: “utu hi thakishe hosa ujala juntu diye ujala sob manu ke itu prithibi te aha khan” (John 1:9)

Chela Paul  dishe nijor ke seva te Isor Jsiu laga – junhi shakti thakishe bodli bolekun manu ke hoilebi ekta thik manu te. Tai koi: “Tai kea mi khan prachar kore, tayar kori kene sob manu ke aru shikhai kene sob manu ke gyan te, ki ami khan dibo paribole sob manu ke thik dikhai kene Krista Jisu te” (Colossians 1:28)

Isor laga bacha khan, jitya apuni khan biswas kore Isor Jisu Krista te aru loi Tai ke apuni laga Isor aru Rakshak hisab te, ujala jibon laga juntu jole apuni te narukhi kene barhibole. Apuni khan chamki thakibolage utu ujala pora Isor wapas naha tok. Itu ujala ke joli thakibole aru apuni laga atma aru dimag te, juli thakibole aru chamki thakibole; apuni khan narukkhi kene isor logote mili thakibole lage atma te.

Jita Isor bonaishe manu ke, Tai bonaishe manu ke Tai laga nijor roop te aru adot khan te. Itya, ki ase Isor laga adot khan? Ki thakibo pare Tai laga roop aru adot khan? Judi bi ami khan napare itu ke kobole, ami khan jane iman tok ki Isor Atma ase. Jitya Tai bonaishe manu ke mati  pora prithibi laga, aru saas dishe tai ke saas jibon laga di kene aru rakhishe Tai laga Atma ke tai te. Itu karone pobitro Kotha te koi: “Atma manu laga diya ase Isor laga, bisari kene bhitor laga gehrai ke tai laga mon laga” (proverbs 20:27).

Judi apuni laga diya narukkhi kene juli bo lage, apuni seva koribo lage Isor ke atma aru hosa te. Isor Jisu koishe: “hoilebi utu homoi ahi ase, aru itya, jitya hosa seva kora khan Baba atma te aru hosa te; kilekoile Baba bisari ase inika seva te tai ke. Isor atma ase,a ru jun khan seva kore Taike seva koribo lage atma aru hosa te>” (John 4:23-24).

Isor laga bacha khan, ami khan laga isor koioshe: “Ami ase ujala itu prithibi laga. Tai jun Ami laga piche hoi nabirabo kitya bi andhera te,  hoilebi thakibo ujala jibon laga” (John 8:2). Itu karone, ahibi Iso te, jun hi ujala ase apuni laga jibon laga aji.

Aji bhabna koribole laga pobitro kotha tu hoile Proverbs 6:23 “kilekoile adesh tu utu diya ase, aru niom tu ekta ujala; dikhai niiom khan juntu Jibon laga rasta ase”.