Nov 11 – Mandrengnan a Panaledan!

“Anin among lingan mandrengnan dakule, do kun mandrengnan mandranji a panaledan na. Bar anta panaledan lungud lingan puangte, do lungudan antate adnab- padhidad” (Jon 1:4-5).

Do amben anablu ahangte do kuddubben janang, angante amben ranaptin ahiman batte halen araptite. Daudo, kznkznan kznle abgugueten Kitungan a d’ong: “Hen timyimtam, E Gamangtung, ranapti hen. Iten asan gamlenden sanaiyam-Nam.

Batte sanu ompu maranji a tarangdi sanle hen rapti yzrten, do Kitung-hen a ranaptin batte hen kintalan rapti zrjabtai. “Butente d’ong-hen rabdutih do Butente hen a godan rojol abmete, Anin na. Daudo dile tordong Kitungan ahiman abgugule dakuneten, do a himlingan ranapti hangle (Jon 1:9).

Tanahimdam Kitungan a onagji, Kitungan ahimlingan amben janang ranaptin ahangben dete. angante Kitungan rabdutaben, amben adnumdrengge. Angante janardin abmele galamtabe, bagu bernan gadlamte: Janardin beran do Kristun a Janardin (Kolosi 1:28).

M’odan a jurdin ambrij, kan bagu a janardin, abpunggete mandran amangba. Anlen bibolan a d’ong Marid kamb’ol gamtabe. Aninji agaja adgalueji orde aninji agaja adayergudneji. Iten asan gamlenden Kitungan a bernan asan, janardinba urungbenten do sarrin abmebenten. Angante Kitungle Jisun garberle. Anlen kuddublen bo surda ranadu-lingan daku.

Gamangtungan Jisu Kristun ahim-lingan. ahiman batte amben radulaben. Amben Jisun ahiman batte ahatenan adnang, ambendaman ahimdamten ranaptin do ranadun Kitungan apsele. Bo denna Pitor do Jon sarebasingba yirleji, aninji gijleji bo gardemar akarukudan saring. Ajing lingan ranapti adakuad, orde amangan idjaja adakuad am’engnaben asan. Anin ateng asudale do amandardin lingan boi boi kalkal dele (Bangsa Hanang 20:27).

Pitor a d’ongan gameten: “Ruppan do ranan mangba-hen agssa, dele janang itente mang-hen daku, antate hen tiytam. Najarita Jisu Kristun ahim lingan dzlen hana. Bar Pitor anin a jandrumsin haman hamle anin a d’ong abdzeten, do tabdong anin a olajengan do matmatjenganji t’ulle (Jon 4:23-24).

Tanahimdam Kitungan a onagji, Do anin tiyle bo surda labon a d’onganji. Itjaja lebun erjanglingbe kun sarebasingan abmele (Jon 8:12). Anten asan, amben abantongbented orde asarmoibented. Okiy Kinolbe absele: “Iten asan gamlenden kun a banaiberan lippa tudan do kun anosaijan paniradan dete, bar kanaih-hanangan mandrengnagodan dete” (Bangsa Hanang 6:23).