Nov 10 – VICHAR KORA DUKHIYA KHAN KE!

Psalm 41:1 “ashirbaad ase tai jun vichar kore dukhiya khan ke; Isor pora bachai dibo tai ke homoi te dukhiya khan laga”.

David ke dabaishe aru biya kori dishe Saul pora. Tai polabole lagishe jongol te aru lukishe gufa khan te, bachibole Saul pora. Utu homo te, tate bishi thakishe jun vichar kore tai laga komjur stithi ke aru modot korishe tai ke bishi rasta te. Aru david kityabi pahorenai tai kahn ke. Tai icha korishe tai khan ke jun khan modot korishe tai ke pabole ashirbaad ke tai kahn laga vichar nimite tai laga komjur stithi te. Jun khan ase dayavan, pabo daya ke.

Solomon, Buuddhimaan pora koi, “Tai jun thakishe daya dukhiya khan te diye isor ke, aru Tai pora tirai dibo wapas ki tai pora dishe”. Tate bishi khan ase jun khan ke dabaishe aru niche dhalishe kilekoile tai khan dukhiya thaka pora; aru dusra khan kilekoile tai khan jabole lagisge bishi poristithi ke jibon te. Judi apuni thakishe bhabna ki kinika apuni taikhan  ke ahram koribo aru modot koribo, apuni hosabi hobo ashirbaad.

Evangelist George Mueller thakishe daya ahsahay anath kahn uporte, aru khara koraisxhe ekta anathashram sambhalibole hazarta anath bacha khan ke. Mother Teresa thakishe morom besahara, anath khan ke aru jun khan rogi thakishe, junkhan ke dekhbhal koribole kun bi nai aru dikhaishe tai khan ke morom Isor laga. Hosabi, Ami koi ase apuni ke, jiman bi apuni korishe olop hoile bi itu Ami laga bhai khan ke, apuni kore Ami karone” (Matthew 25:40). “isor pora abhishekh korishe ami ke prachar koribole bhal leher khan dukhiya khan ke” (Isaiah 61:1). Isor Jisu pora ghosna korishe Susmachar ke dukhiya khan ke aru bandhi khan ke.

Kunba khan bandhi thakishe bimar logote; aru kunuba khan dukhiya logote aru dhar logote. Kunuba khan bandhi thakishe biya manu laga. Aru sobse dangor bandhi thakishe bandhi satan laga naukar banai kene manu khan ke paap te, aru loi jai tai khan ken arak te. Ki apuni vichar koribo inika atma khan karone, aru dibo nijor ke seva koribole Isor ke aru goshna koribole susmachar ke tai khan ke? Ki apuni dibo nijor ke inika mantralay kahn ke chutkara laga aru uddhar koribole atma khan ke tai khan laga bandhi pora paap laga?

Jitya Jisu sikhai thakishe ekta samajgriha te, tate thakishe maiki jun thakishe ekta atma moila laga athara saal nimite, aru jukhi thakishe pura aru napare uthabole nijor ke. Jisu thakishe morom utu bandhi maiki uporte. Tai koishe tai ke, “maiki, apuni chutkara paishe apuni laga moila ppora”. Tai rakhishe Tai laga hath khan ke tai ke, aru achanak tai sidha hoishe,a ru mahima korishe Isor ke. Aru Isor koishe, “ki  nahoi itu maiki hoi kene ekta chukri Abraham laga, junk e satan pora bandhi bonaishe- bhabna koribi itu ke- athara saal nimite, chutkara dibi itu bandhi pora Sabbath te?”(Luke 13:16).

Ki ase ashirbaad khan isor laga uporte tai khan laga jun khan vichar kore dukhiya khan ke aru bandhi khan ke? Poila Tai pora bachabo tai khan ke din te biya laga. Aru dusra, tai pora bachabo tai khan ke aru rakhibo tai khan ke jinda. Tisra, tai pora ashirbad koribo itu prithibi te. Aru chautha, Isor pora kitya bi nacharibo apuni ke apuni laga dushman khan logote.

Aji dhyan koribole laga pobitro kotha tu hoile 1 John 3:8 “kintu itu uddesh nimite Putro isor laga prakashit  korishe, ki Tai khotom koribo kaam khan ke satan laga”.