Nov 10 – DANGOR MONDIR PORA!

Matthew 12:6 “Hoilebi Amiami ke koi ki itu jag ate ekta dangor ase mondir pora.”

Jitya raja Solomon iccha korishe bonabole mahimajanak mondir Iso nimite, tai koishe: “itu mondir juntu Ami bonabo dangor hbo, kilekoile ami khanlaga Isor dangor ase sob isor khan pora” (2 Chronicles 2:5). Tai bonaishe ekta dangor mondir, vebhav aru mahima te, pura tai laga saman khan logote Isor karone junke rakhibo naparibo itu pura prithibi aru swarg te bi; kilekoile isor jun hi sobse tagot ase aru sob shakti ase.

Aji ami khan sabole pare jaga khan seva kora laga pura prithibi te. Hoilebi inika thakanai utu din khante Israel te. Tate khali ekta mondir thakishe pur aisrael nimite. Jote bi Israeli manu kha thakishe tai ahe itu mondirte Jerusalem te thaka te. Bhoj khan laga din khan te, utu mondir bhorta hoi pura Israeli manu khan logote jama hoi kene.

Jinika dinkhan paar hoishe, manu khanuthai dishe mondir ke aru sonman diyanai Isor ke jun hi dangor ase mondir  pora bi. Tai khan bonaishe mondir ke ekta saman nishina sundarta nishina aru alankaran nishina, aru inika hi murti bonai loi  she. Itu hoishe jaga ekta neeti niom laga,a ru jaga jote bike guru khan, bhera khan aru kopou khan; aru ekta jaga poisa te bodli hua laga.a r uses te, Ghor Prathana laga pura Israel nimite hoishe gufa chor khanlaga.

Kta dhemaia kissa ase ekta kala manu laga icha kora seva koribole Iso ke girja te, juntu khali  boga manukhan pora hi bhorta thakishe. kilekoile tai kala thakishe aru ekta dukhiya jibon pora, utu girja laga pastor pora taike utu girja seva te shamil hobole diyanai.

Utu kala manu tu bishi taan icha thakishe utu seva te jabole girja te. Toh, hodai hafta tai tate jai, aru kilekoile ti ghushibole utu girja te mana kore, tai bohe siri te. Tai mahima kore Iosr laga sob homoi, jitya tai tate bohe, aru imon di kene hune Isor laga seva aru prachar te.

Ekdin robibaar te, ekta bura manu ahishe aru bohishe tai laga usorte. Tai gale milishe taike au koishe: “chokra, chinta nokoribi. Jitya pora tai khan itu girja ke bonaishe tai khan kitya bi ami ke ghusibo diyanai. Apuni ke bi girja te ghusibo diyanai. Toh, ahibi ami khan baharte hi thakibo ami seva kori kene mahima dibo Iosr ke”. Achanak utu kala manu laga suku khulishe aru tai dikhkibo parishe Isor Jisu k eke jundangor ase girja pora bi, bohi kene tai laga usorte.

Ekta manu pobitro nahoi ekta mondir pora nahoilebi mondir laga dhip pora. Itukhali Isor hi ase junpora pobitro kore. Isor laga bcaha khan, napahoribi kitya bi ki Isor Prabhu jun dangor ase utu mondir pora bi hodai ase apuni logote.

Ajia bhabna koribole laga pobitro kotha tu hoile Acts 7:48-49 “hoilebi, sobse uncha nathake mondir khan te bonai diya hath khan pora, jinika nabi pora koi: “Swarg hi Ami laga rajyo ase,a ru prithibi  Ami laga theng rakha pira. Ki ghor apuni Ami karone bonabo? Koi isor pora, nahoile bi kun jaga ase Ami ahram koribole laga?”