Nov 09 – DANGOR ACHURIT KHAN TE!

Exodus 34:10 “aru Tai koishe: “thakibi, Ami ekta kotha di ase. Agete apuni laga sob manu khan laga Ami dikhabo achurit khan jinika kityabi itu prithibi te hoanai, nahoilebi kun desh te bi; aru sob manu khan laga majete apuni thaka dihibo Isor laga kaam ke. Kilekoile itu achurit saman ase ki ami apuni logote koribo”.

Amikhan laga Isor tu achurit kora laga Isor ase. Genesis laga kitab pora revelation laga kitab tok, apuni khan puribo paribo Tai laga dangor achurit khan ke. Pura Pobitro kotha hi bhorta ase achurit khan logote ki ami khan itu kitab ke acurit laga kitab hi mate. Jitya Job dishe ekta gaawahi dangor kaam khanlaga aru achurit khan laga Isor pora kora te, tai koishe: “Isor kore dangor kaam khan ke najanai kene, hoi, achurit ginti nathaki kene” (Job 9:10)

Isor nijor hi kore achurit khan ke iku ginti nathaki kene; Tai dikhai anginat achurit khan ke Tai laga bacha khan pora. Taia ru diye amikhan ke uphar kaam kora laga achurit pora tai laga Pobitro Atma laga shakti pora.

Aji, Isor icha kori ase ekta manu karone jun pora Tai dikhabo paribo Tai laga achurit khan ke; jun pora Tai koribo paribo achurit kaam khan ke; jun pora Tai anibo paribo mora ke jibon. Pobitro Kotha te koi: “kilekoile Isor laga suku khan polai age piche pura prithibi te, dikhabole NIjor ke tagot tai khan karone jun khan laga mon hosa te ase tai logote” (2chronicles 16:9).

Isor logote ase sob uphar khan atma laga Tai laga hath te; aru sob shakti aru tagot; aru sob adhikar aru hak khan bi. Tai icha kore dibole sob itu khan cholabo Tai laga matralay te. Itu karone uphar khan Atma laga di ken ease ami khan ke. Pobitro kotha te koi: “apuni paishe uphar khan manu khan laga mejte, jhuji thaka homoi te bi, ki Isor Prabu tate thakibo karone”(Pslam 68:18).

Judi apuni rakhe apuni laga monk e uuthabole aru chamki bole Iosr nimite, Tai pora koribo tagot thaka achurit khan apuni laga jibon pora. Morom pora bhabna koribi aru ekbar itu podh uporte aru kosom Isor laga: “aru Tai koishe: “thakibi, Ami ekta kotha di ase. Agete apuni laga sob manu khan laga Ami dikhabo achurit khan jinika kityabi itu prithibi te hoanai, nahoilebi kun desh te bi; aru sob manu khan laga majete apuni thaka dihibo Isor laga kaam ke. Kilekoile itu achurit saman ase ki ami apuni logote koribo”. (Exodus 34:10).

Isor pora koribo achurit khan apuni laga jibon te, apuni laga porivar te aru apuni laga girja te. Tai pora koribo tagot kaam khan ke achurit laga.

Isor laga bacha khan, judi apuni mange biswas te aru gehra icha thaki kene apuni laga mon te, Isor pora dibo apuni ke shakti kaam kora laga achurit laga.

Aji bhabna koribole laga pobitro kotha tu hoile Exodus 15:11 “kun apuni nishina ase, O Isor, alag isor khanlaga majete? Kun ase Apuni nishina, mahima janak pobitrota te, prashansa te  bhoi kora, achurit khan kore?”