Nov 08 – NADI PRATHANA LAGA!

Lamentations 2:18 “oh bera, Zion laga chukri laga, hobole dibi suku pani giribole ekta nadi nishina din aru rati; nidibi nijor ke iku bi ahram, nidibi apuni laga suku ke iku ahram”.

Suku pani ke ekta nadi nishina pradarshit kori kene asea itu upor laga podh te. Jitya tat ease ekta nadi suku pani laga apuni laga suku te, Isor jun dikhe aru mushe suku pani ke, hosabi aru tezi pora ahibo apuni usor te aru bodli koribo itu oaristithi ke aru rukhabo apuni laga suku pani ke.

Ekta mazakia kissa ase suku pani laga. Ekta bosti te, ekta bura manu thakishe, jun ekla thakishe aru kun bi thakanai taike dekhbhal koribole. Toh., tai kandibole shuru hoishe aru suku pani giraishe; suku pani ekta nadi nishina. Ses te, itu pora ekta fishery nishina hoishe tai laga gherav te.

Hiriya khan hawa  laga bhabna korishe itu ekta kuha ase aru tate gusul kori khushi paishe. Sundor aru bhal gun thaka phul phulishe kina rte utu fishery laga. Bishi kisim laga maas khan ke bi tate paishe. Tate anindo thakishe sob jaga  te, aru rasila gana bi kora chiriya khan, itya tok, utu bua manu kun kandi thakishe bishi saal  tok, rukhi thakibo kandibole aru sabo tai laga aaspaas te ekta sundor fishery, khili thaka chiriya kan, rangin pokhila khan aru gun thaka phul khan. Jitya tai  itu khan ke dikhishe, tai ahram hoishe tai laga dukh pora aru bhorta hoishe khushi pora. Aru kandibole bindh korishe.

Jitya tai kandibole bindh korishe, utu gishery sukhibole shuru hoishe. Maas khan moribole shuru hoishe aru chiriya khan dukh hoishe. Sob kisim laga janwar khan utu fishery laga ahishe utu bura manu laga usorte aru anurodh  korishe tai ke kandibole, kilekoile tai khan utu sukupani laga fishery te thakibole naparibo laki koikene. Utu manu logote iku upai thakanai. Toh, tai aru bi kandibole shuru hoishe. Aru sob jiv khan utu fishery laga khushi hoi kene gana gabole shuru hoishe kilekoile tai laga suku pani pora. Itu kissa mazakia hoile bi, dikhai kinika suku pani pora ekta manu laga bachai aru labh kore iman jiv khan ke.

Nabi jeremiah ke suku pani laga nabi mati thakishe, kilekoile tai kandi thake Israel laga manu khan karone. Tai laga din khan te, Israel ke khotom kori dishe aru manu khan ke utu mati laga loi jashe bandhi boanai kene Babylon te. Aru tate bishi pheli kene thakishe murti seva kora khan. Oura desh bhorta thakishe gau aru atma te mora laga.

Jitya jeremiah itu khan dikhishe, tai koishe: “oh, ki ami laga matha khan thakishe panni, aru ami laga suku khan jharna suku laga, ki ami kande din aru rati mori ja khan karone ami laga manu laga chukri karone!” (jeremiah 9:1). Isor laga bacha khan, isor sai apuni laga suku pani khan ke, aru Tai rakhe tai laga bottle te. Itu laga hosa bi jawab hobo ekek boondh laga apuni laga kanda laga juntu apuni phelaishe prathana te. Apuni  laga biswas kitya bi ini najabo.

Aji bhabna koribole laga pobitro kotha tu hoile Psalm 126:5-6 jun khan phelai kanda  te tai khan katibi anondo te. Tai jun narukhi kene kande, laga bijon katibole nimite, iku shak nathaki kene ahibo arubi anondo hoi kene, dhan kata bhorta loi kene.”