Nov 08 – DANGOR DUSHMAN PORA BI!

Exodus 14:14 “Isor pora apuni karone lorai koribo, aru apuni dhuri kene thakibi apuni laga shanty.”

Isor dangor ase apuni laga sob dushman khan pora bi. Tai dangor ase apuni laga sob judho khan pora aru digdar khan pora. Tai hi ase ekta jun lorai kore apuni laga judho khan apuni laga phine pore, aru diye apuni ke jit. Jitya judho hoi, dangor khan desh laga, chuni bo ekjon jun tagot ase, gyan thaka aru sob jana lora khan laga, aru tai khan laga general pora hi sipahi khan ke loi jai. Khali inika manu pora pora hi tai khan dibole paribo sob zimedari pura desh laga.

Dusra world war laga saal te, Winston Churchill ke chunishe ekta pradhan mantra England laga. English manu khan thake tai khan laga atma biswas ki khali tai hi iron man nishina ase aru England ke jit te loijabole pare.a ru hosabi tai parishe itu akha khan ke pabole. England khan second world war te dangor jit paishe.

Jitya desh khan Israel laga bonishe, sob usorte te thaka desh khan lagishe lorai te Israel logote milikene narukhi kene. Sob arab desh khan ekta hoishe Egypt laga adesh te, Israel laga khilafte.a ru dangor khan Israel laga Moshe  Dayan, ekta military general thakishe. isor laga gyan loi kene aru tai laga fiasla khan lora kora te pora tai parishe sob dushman khanke harabole. Itu lorai juntu thakishe khali sat din tok, Israel ulaishe jit pai kene aru kabza korishe kunuba jaga khan bi.

Aji bi, bishi lorai khan khara ase apuni laga kkhilafte sidha pora nahoilebi tera pora.a puni khara koribo lage khilaf te itu biya khan laga; aru lorai koribo lage biiya atma logote swarg laga jaga te bishi nadi kha icha khan aru bhabna khan lorai kore gau logote. Itu paristhite te, kunke apuni chuni bole ase apuni laga general bonai kene apuni laga judho te loribole?

Utu din khan te, Moses chunishe isor ke tai laga general. Jitya Israel khan thakishe lal samundar laga kina rte, pharaoh laga sipahi khan piche thakishe khedai kene, sob Israeli manu khan bhoi korishe. Moses hi tagot dishe tai khan ke ki Isor pora lorai koribo tai khan logote. Utu kotha khan anishe dangor ahram Israeli manu khan ke;a ru tai khan nirasha huanai aru bhoi koranai. Tai khanbhorta hoishe akha pora aru sahas pora.a ru  tai khan jinika biswas korishe inika hi Isor lorai korishe tai khan karone. Pharaoh arutai laga dangor sipahi khan pani te phashishe lal samundar laga.a ru sob manu khan tate dubi kene morishe. Aru Isor dishe jit Israel laga bacha khan ke.

Isor laga bacha khan, utu iki Isor duth khan laga, Isor jit laga, Isor Israel laga apuni logote ase ajibi. Tai hi ase apuni laga military laga general judho mati te. Itu karone, lagi thakibi tai logote biswas te

Aji bhabna koribole laga pobitro kotha tu hoile  Psalm 46:11 “isor  duth khan laga ami khan logote asse; Isor Jacob  laga ami khan ke bachabo. Selah”