Nov 07 – DANGOR RAJA PORA BI!

Daniel 3:17 “ami khan laga Iso junk e ami khan seva kore ami khan ke bachabole pare itu joli thaka jui pora, aru Tai pra ami khan ke bachabo apuni laga hath pora, O raja”

Utu din khan te, Babylonian rajyo khan bishi dangor thakishe sob rajyo khan pora itu prithibi laga. Itu ke raj kore raja Nebuchadnezzar pora. Aru kun bi tai laga khilaf te khara koribo napare nahoile bi tai laga rajyo khilaf te kobole napare.

*Hoilebi tinta naujawan Shadrach, Meshach, aru Abed-Nego; junke bandhi bonai kene anishe Israel pora Babylon  te utu sahas thakishe.

Raja pora bonaishe ekta sona laga murti juntu 60 bita uncha aru 6 bita chaura thakishe, aru pothaishe adesh sob manu khan ke desh te ki jhuki kene utu murti ke seva koribole. Sob manu khan utu desh te manishe utu adesh ke, iku mana nakori kene.*

Hoilebi itu tinta naujawan mana korishe jhuki bole utu murti ke, kilekoile tai khan ekta sapha drishti thakishe ki Isor dangor ase. Tai khan ekta tan bhabna thakishe ki Isor hi itu raja pora bi dangor ase koi kene.

Itu karone tai khan iman mon dangor thakishe. shadrach, Meshach aru Abednego jawab di kene utu raja ke koishe, “O Nebuchadnezzar , ami khan iku dorkar nai apuni ke jawab dibole itu te. Judi inika hi ase, ami khan laga Isor junk e ami khan seva kore pare bachabole ami khan ke itu joli thaka jui pora,a ru Tai ami khan ke bachabo apuni laga hath pora oh raja” (Daniel 3:16-17). Aru Isor hosa bi bhal thakishe bahabole tai khan ke utu joli thaka jui pora.

Aji, ki paristhiti apuni paar kori thakile bi, raja khan laga raja tagot ase bachabole apuni ke itu paristhiti pora. Tai pora bachabo apuni ke itu jaal pora dushman laga, apuni ke dhuri bole. Apuni boi lagibo pare kunuba mamla te; apuni inika bi bhabna koribo pare ki apuni budhi pora kaam koranai aru ki hoilebi apuni laga porivaar sorom pabo. Isor hi apuni logote thakibo itu sob mamla khan te ji pora apuni ke bhoi koribole di asse,a ru apuni ke bachabo.

Apuni khan shikayat kori thakibo thakibo pare ki biya manu khanuthi ase apuni laga  khilaf te aru kun bi apuni  logote khara kori bole. Hoilebi ami ke kobole dii ki itu naam ase ami khan laga Isor Jisu laga; ki Tai pora bachabo apuni ke itu khan pora.

Isor laga bcah khan, niom khan prithibi laga, itu dangor smaj, apuni laga sathi khan aru khandan khan apuni laga khilaf te hobole pare. Kityabi dukh nakoribi aru nirasha nahobi. Isor kooi: “bhoi nakoribi,kilekoile Ami apuni logote ase; nirasha nahobi, kilekoile Ami apuni laga Isor ase. Ami tagot dibo, aru hoi Ami apuni ke modot dibo, Ami apuni ke dhuri thakibo Ami laga hosa dahina hath pora”.(Isaiah 41:10). Apuni khan bacha ase raja khan laga Raja laga. Apuni biswas kore Isor ke au Tai hossabi apuni ke bacha bo. Itu karone bhoi nakoribi.

Aji bhabna koibole laga pobitro kotha tu hoile Psalm 91:15 “Tai Ami ke matibo, aru Ami tai ke jawab dibo; Ami tai logote thakibo dirdag te; Ami bachabo tai ke aru sonman koribo tai ke”