Nov 06 – WAKHALBU NGAKSENBA!

“Aduga khangba pumnamaktagi hendoklaba Iswardagi lakpa ingthaba aduna nakhoigiu thammoi amasung pukningbu Christa Jesuda ngaksenduna thambigani.” (Philippians 4:7).

Iswargi maphamda Iswargi oiba ingthaba leibani. Eikhoina Iswargi loinabiba adu phangba matamda eikhoigi nungda swargadagi lakpa ingthaba aduna turelgumna chenduna maduna eikhoigi thammoi thalli aduga maduna eikhoigi punshida haraoba purakli. Madu angakpa thoudok ni.

“ Peace ki maramda drawing competition toubada mi mayamna saruk yarammi. Madugi marakta artist ama adugi  drawing aduna asumna lei sendrang amasina machasingga nunggairakta ingna chikna phamduna lei, adubu akoibadadi ising iraokhon aduna nillammmi. Madugi sendrang amadi machaisng aduda ingthaba leirammi. Akoibada isinggi iraokhon amadi thoudok thokpasing adu makhoina karisu waruba leiramde adubu makhoidi mapung phaba ingthaba leirammi. Madugi picture aduna first  prize phanglammi.

Ayuk nganta nahakna Iswargi loinabiba phaoduna Iswargi ingthaba aduna Christa Jesuda nahakki thammoi pukning wakhal bu ngaksengani. Maduna nahakki akiba langtaknaba khudingmakpu mutthatpigani. Aduna nahakki nathakta kari thokkani haina kiba amadi langtaknaba touganu.

Sastrana hai, “ maramdi Iswarna eikhoida akibagi thawai pibide, adugi mahutta matik leiba, nungshiba amasung isa khudum chanbagi thawai pibire.” (2 Timothy 1:7). Maram aduna eikhoina ingthana leiba ngambani. Nahakki thamoi adu Iswargi ingthabana thallabadi, Iswargi oiba ingthaba aduna nahakki thamoi adu thangani. Pakhonchatpa Paulna asumna irammi, “  nakhoibu hakchang ama oinaba koubiraba maramna Christagi ingthaba aduna nakhoigi thammonungda pansanu, aduga thasu thagatchou.  ” (Colossians 3:15).

Matam leiba khibikta Iswargi ingthabada punsinduna leiyu. Akhaba, asaoba meihouna saoba sing asina ingthaba adu manghanbani,madu mayam adu phukthok u. nahakki nathou natabada changsinganu, misinggi damakta guarantor oina lepkanu, adubu Prabhugi mingda laokhatlu, aduga Mahakki aningba gi matung inna thabak tou u.  adu oirabadi nahakki maikei keidoungeidasu manghallaroi.

Ingthaba aduna nahakki thamoida thabak tourakpa tarabadi khudingmak sina nahakki punshigi damakta aphaba touribani haibasisu nahakna thajaba tabani. Kari amata langtaknaganu, adubu maram khudingda haijaba, nonjaba amasung thagatchaba loinana nakhoigi nijaba adu Iswarda khanghallu.” (Philippians 4:6). Iswargi machasing, nahakki nijaba adu Iswarda khanghanba matungda,Iswargi ingthaba aduna nahakki thamoi nungda pangani.

Dhyan tougadaba: “eina nakhoida ingthaba thanammi, eina nakhoida eigi ingthaba pi, taibangpanna pibaguna eina madu nakhoida pide. Nakhoigi pukning langtaknaganu amasung kibasu touganu.” (John 14:27).