Nov 06 – PAHARA DIYA MON!

Philippians 4:17 “aru shanty Isor laga, jun tu paar kore sob buja khan ke, pahara diye apuni laga mon khan ke aru dimag khan ke Krista Jisu te”.

Tate divya shanty ase maujudgi te isor laga. Jitya bi amikhan mehsus kore maujudgi te Isor laga, divya shanty bahe jinika nadi Isor swarg pora, aru bhorta kore ami khan laga monke; aru ane puhor ami khan laga jibon te. Itu ase ekta achurit anubhav.

Ekta drawing competition te sau jon manu bhag loishe akibole chitra ke’shanti’ laga. Ekta chitra te, artist pora dihaishe ekta chiriya ke bohi thaka chutu khan loogte, ekta pathbor laga majete juntu thakishe kina rte bahi thaka pani laga. Tate thakishe shanty chehra te chiriya laga  aru chutu khan. Tai khan pura najani thaka jharna pani khan, nahoilebi poristhithi khan, hoilebi pura shanty. Aru itu chitra jitishe award best painting laga.

Bishi phujir te, apuni mehsus kore maujudgi Isor laga, shanty Isor laga juntu paar kore sob buja khan, jitu pahara diye apuni laga mon aru dimag te Krista Jisu dwra. Itu pora hatai diye sob apuni laga bhoi aru chinta khan ke. Tate, apuni najane bhoi ke nahoile chinta ki hobole ase apuni ke.

Pobitro kotha te koi, “kintu Isor pora diyanai ami khan ke ekta atma bhoi laga, hoilebi shakti aru morom aru bhal mon laga” ( 2 Timothy 1:7). Itu karone ami khan pare jiyabole shanty. Judi apuni laga mon bhorta hoi maujudgi te Isor laga, divya shanty pora raj koribo apuni laga mon te. Chela Paul pora likhe, “aru hobole dibi shanty ke Isor laga raj koribole apuni laga mon khan ke, ji karone apuni ke matishe ekta gau te; aru hobo dhinyabaad” (Colossians 3:15)

Hodai hobi taan pora dhuri kene divya shanty te. Jor  pora ulai dibi sob tita khan ke, khong aru gussa juntu biya kore shanty. Namilibi kotha khan te paar kori kene; kaam nokoribi ekta zamindar manu karone; hoilebi uthai dibi naam ke isor laga, aru kaam koribi tai laga icha te.a ru kityabi naharibi apuni laga rasta te.

Judi shanty pora pahara dibo apuni laga mon ke, apuni biswas koribi ki sob saman khan kaam kori ase iiki loogte bhal karone apuni laga jibon laga. “nahobi chinta iku karone bi hoilebi sob te prathana aru anurodh kori kene, dhonyabad te, hobole dibi apuni laga anurodh ke janabole Isor ke” (Philippians 4:6). Isor laga bacha khan, jitya apuni janai anurodh khan ke Isor ke, shanty Isor laga pura  raj kore apuni laga mon te.

Aji dhyan koribole laga pobitro kotha tu hoile John 14:27 “shanty Ami chari ase apuni logte, Ami laga shanty Ami di ase apuni ke; nahoi jinika prithibi diye apuni Ami dibo inika apuni ke. Hobole na dibi apuni laga mon ke chinta, nab hoi”.