Nov 05 – NADI ISOR LAGA!

Psalm 65:9 “apuni jai prithibi te aru pani  diye; apuni itu ke samridh bonai;  nadi Isor laga bhorta ase pani pora; apuni diye tai khan ke dhan; itu karone apuni tayar korishe”.

Pura prithibi pora, Isor pora ami khan ke chunishe ekta sundor bagicha nishina Tai nijor karone. Ami khan lota bagan ase jote Isor berai thake. Aru ami khan anondo pai jitya bi ami khan hune Isor laga awaz.

Jitya Isor  bonaishe Bagicha Eden laga, Tai dishe zimedari ekta manu ke aru nijor ke bi ekta zimedari dishe. Ki kaam thakishe manu laga? Pobitro Kotha te  koi, “Isor Prabhu loishe manu ke aru dhalishe tai ke bagicha te Eden laga itu ke sabole” (Genesis 2:15). Aru Isor laga kotha diya tu thakishe itu ke lok koribole aru pani dibole prithibi ke; itu ke samridh bonabole nadi pora Isor laga juntu pani pora bhorta ase (Psalm 65:9).

Itu kaam thakishe manu laga sabole aru thik rakhkibole bagicha ke aru Iosr nijor ke kotha dishe itu ke bhal aru samridh bonabole. Apuni kitya bi nacharibole lage apuni laga monk e ekta khali mati nishina hoilebi rakhibole lage thik tayar kori kene guti dhalibo nishina Isor laga kotha hisab te.

Apuni khan sob biya khan hatabo lage jinika gussa, jalan apuni lavga bagicha pora aru rakhibo lage itu ke sapha. Apuni khan hatai dibo lage biya khan,juntu chutu pathor khan nishina ase nahoile biya khuri nishina juntu apuni ke rukhai pabole Isor laga kotha ke. Apuni khan sob tayari koribo lage Isor laga nadi karone bahi bole khula pora apuni laga bhitor te. Aru nadi Isor laga bonabo apuni laga porivaar ke aru atma laga jibon ke bishi bhal aru unnati janak.

Apuni uttaradhikari hobo bishi mahima janak virasat khan laga jitya apuni ghusibo Christian laga jibon te jiyabole. Bishi kosonm khan bi  di kene ase unnati laga. Apuni thakibo hodai din thaka laga maujudgi Isor laga. David logote apuni khan itu bi kobo pare; ki Isor pora anishe apuni ke itu dhan labh te.

Tulna koribe manu khan ke itu prithibi laga; Isor dishe bhorta pora dhon virasat khan ke. Itu khan sob hosabi ase khali kilekoile nadi Isor laga – Pobitro Atma asse apuni te. Pobitrbo Atma diye apuni ke taza kora apuni laga monk e, anondo apuni laga atma laga, tagot aru unnati ke. Itu logote iku tulna nai jibon te juntu bhorta hoi Pobitro Atma pora.

Unnati Atma laga nirbhar kore pobitro Atma te hi. Uphar aru phal khan Atma laga, ulai  utu dhan pora hi. Iku bi uttam nahoi itu dhan Atma laga ekta manu karone? Isor laga bacha khan, hodai hi bhorta hobi Pobitro Atma logote utu dhan labh hobole. Pobitro kotha te koi; “tai khan phal dhuribo hoda mohina, kilekoile tai khan laga pani bahe utu dhip pora” (Ezekiel  47:12)

Aji bhabna koribole laga pobitro kotha tu hoile Acts 14:17 “itu pora komti te, Tai chari diya nai Nijor ke iku bi gawahi nathaki kene, itu te Tai korishe bhal ke, borokhun dishe ami khan ke swarg pora aru phal daik mausam khan ke, bhorta kori kene ami khanlaga monk e utu khana aru khushi pora.”