Nov 04 – DANGOR SOLOMON PORA BI!

Matthew 6:28-29 “toh kile apuni bhabna kore kapra laga? Bhabna koribi lili phul ke kheti laga, kinika dangor hoi: tai khan nakhunde nalagai; hoilebi Ami koi ase apuni ke ki Solomon bi tai laga mahima te alag huanai inika nishina”.

Raja khan laga majete koi kene thaka pobitro kotha te, raja Solomon dangor thakishe tinta alag bhag te. Poila, tai dangor thakishe tai laga gyan te. Dusra, tai dangor thakishe tai laga mahia te. Aru tisra, tai dangor thakishe tai laga sorkar te. Hoilebi pobitro kotha te koi ki ami khan laga Isor Solomon pora bi dangor ase.

Jitya ami khan laga Isor Jisu ahishe itu prithibi te, tai tulna korishe mahima ke Solomon laga lilly khan logote kheti laga. Solomon lagai kapra nijor ke mahima janak kapra laga. Hoilebi ami khan laga  Isor jun kapra lagai lilly khan ke bi aru ghas khan ke bi – juntu iman sundor aru rongin ase. Sob phul khan Isor laga nirmaan laga, iman sungandar ase, alag aru ane khushi ami khan ke. Kiman sundor pora Isor tai khan ke kapra lagai dishe! Isor koi Solomon bi tai laga mahima tea lag thakishe utu phul khan nishina.

Ami khan laga Isor hi ekta ase jun dangor ase Solomon pora bi. Judi Tai lagaishe kapra phul khan ke kheti laga iman achurit pora, apuni bhabn bi koribo naparibo tai apuni ke kapra lagai dibo aru morom koribo  – jun ase Tai laga bacha khan!

Itu mahima janak kapra Solomon laga biya hbobo thakishe, puchibo thakishe homoi logote. Hoilebi itu kapra mukti laga aru hosa laga, jitu pora Isor apuni ke kapra lagai diye, kitya bi napuchibo. Itu mahima janak kapra khan dishe apuni ke hodai din karone.

Ami khan laga Isor dangor ase Tai laga gyan te. Sob manu khan itu prithibi laga achurit hoishe tai laga gyan te raja Solomon laga. Pobitro kotha te koi: “sob manu khan sob desh laga, sob raja khan pora itu prithibi  laga jun hunishe tai laga gyan ke, ahishe hunibole gyan Solomon laga” (1 kings 4:34}.

Judi bi Isor dishe ginibo napara gyan ke Solomon ke, tai utu gyan ke atmakarik hisab te cholanai. Tai bishi maiki thakishe, jun pora lagaishe tai laga dhyan tai khan laga isor phine. Tai bonaishe uncha jaga khan tai khan laga isor khan nimite. Tai laga gyan iku kaam laga thakanai:a ru itu pora Isor ke khushi koranai.

Isor laga bacha khan, bhoi kora Isor ke hi shuru ase gyan laga.a ru jitya apuni mange gyan nimite tai pora jun dangor ase Solomon pora bi, tai hosabi  dibo apuni ke gyan aru ashirbaad koribo apuni ke.

Aji bhabna koribole laga pobitro kotha tu hoile 1 Corintians 1:30 “hoilebi Tai pora apuni Krista Jisu te ase, jun bonishe ami khan karone gyan isor laga – aru hosa te aru pobitro te aru mukti te”.