Nov 02 – Gion Alon!

“Anab-bagu alon ahim Gion” (Aparamangtan 2:13)

Kan ate hangdrangdage Janggarda mandrengna-lingan, Kun ayam-ling, Dolila Samson asoso ranaptin agalamben asan areguijeten.Nami janang, kuddub ordaran agalamben itsumte asoso ranaptilen, anabsittalen, kuddub baralen do karaloge Kitungan aranapti itente baraten manglenlen. Samson amang-ling surda ranaptin dakule, do kun ate anin dile tordong abaratinan asan orde langalanga ganaga battented.

Orde jznjzn murda ganagan adakuad. Dolila pede amandangle bo bzgardan saring orde galamle bo surda ranaptin gamle Samson amang saring. (Sanenken 36:8-9).

Anin agalamben itsumle kan surda ranaptin uan saring yirtai gamle yangam anin mandran Gaja gardaba saring rabrable, yangam ajar ajar mandranji a d’ong kadhidle, yangam anin yagi soa kulunji do Pilistian-lingan ajandrum arab-ben abmele lumle, orde yangam anin s’iokzdan a d’ong kabhidle, a s’i-lingan ijaja adakuad.

Do angante anin ualle, Samson gamle itente a j’e-lingan dakule ate do gamle: “B’ob-ling-hen a u’un angaja kanungan batte anabjaban addead. Iten asan gamlenden angante hen karudkudan delih kun a dinnan saring, Kitungan amang Najir mar, gamle sanurpidan delih. Bogad b’ob-ling-hen a u’un k’ungle sdlenjiden, ranadu-hen mangba-hen saring dunglen yerte, do hen bzgarda mandran ambrij er ranaptige detih.

Angante amben a kznolte, Samson a nogandead anin a soso a surda ranapti abmele. Anin oblingle sidle a u’un-lingan aranaptin. Yan a rumandage a berna Anin Kitungan a d’ong anabguguad, ayengan a ranaptin a tiyten amandran. Kun a soso ranaptin bagu-tarding dakule. Aboi ate Marid Janggardan a ranaptin. Anab-bagu ate mandrengnan a surpid-damna. Angante butente kan bagu a mandrengna saring adakue, ranaptin do ranadu dunglen yerte.

Tanahimdam Kitungan a onagji, orde dane maranji a mukka orde bittin. A madan sattang gijgijle Kitungan a d’ong butente gabdille ruangan do ordaran!

Okiy Kinolbe absele: “Aman ranoitadan timyimle do anosai manedden asanggemle; kun asan Kitungan, Kitung-nam, anerdikan a miholan batte d’ong-nam jodmean jodmele, turdu mar-namji a lanangka abgugulam” (Sanenken 45:7)