Nov 01 – NADI JUNTU SAMRIDH KORE!

Genesis 2:10 “itya ekta nadi bahar jai Eden laga pani dibole bagicha ke, aru tate pora itu bhag hoi aru bone charta nadi laga matha.”

Kiman dangor ase morom ami khan Isor laga! Tai bonaishe pura prithibi labh hobole manu khan laga. Tai bonaishe eden itu prithibi te aru khara koraishe ekta sundor bagicha eden te. Itu kotha eden  matlab khushi mon laga.

Isor jun bonaishe manu ke, anishe alag alag kisim laga phal dhora gash khan, paudha khan aru lota khan, eden laga majete, tai khan ke khushi aru anondo te rakhibole. Aru ekta manu, khushi kore usor laga rishta thakibole Isor logote.

Apuni khan bhabna koribole pare itu pura prithibi ke, eden logote itu laga majete, ekta bagicha. Itu nishina, manu laga gau te, ekta atma arum on ase. Itu prithibi jawab diye gau ke, eden monke aru itu bagicha laga majete atma ke.

Isor bonaishe nadi ke pani dibole samridh bonabole karone bagiche ke. Utu naam nadi laga koi kene nai. pobitro kotha te khali koi utu nadi charta nadi math ate bhag kora ke.

Ami biswas kore ki nadi khan adbhut prakritik nadi ase, aru tate sona thakishe utu pura nadi  te. Bdellium aru onyx pathor tate thakishe (Genesis 2:11-12). Judi utu prakritik nadi thakishe, tai pora khali dhan, ata aru bajra khan ugi bole thakishe.

Judi  inika ase, ki ase utu nadi laga naam? Raja david najani kene thakishe itu laga naam. Tai khali koishe: “tate  ekta nadi ase jun laga pani pora khushi kore isor lagan agar ke, pobitro jaga dhip laga sobse uncha ke.” (Psalm 46:4).

Itu khali Iosr Jisu thakishe jun dikhaishe utu rahasymai nadi laga, “tai jun biswas kore Ami ke, jinika pobitro kotha te koi ken ease, tai laga mon pora ulai nadi jinda pani laga. Hoilebi itu Tai koishe atma ke bhabna kori kene, jun biswas kore taike pabo; kilekoile pobitro atma ke diyanai, kilekoile Jisu ke uncha kori diyanai.” (John 7:38-39).

Pobitro atma juntu adbhut prakritik nadi ase, junke Isor pora pothaishe samridh koribole apuni laga atma laga jibon ke. Tai thake apuni laga atma te aru samridh kore apuni laga atm aru gau ke.

Isor laga bacha khan, sabi utu pobitro nadi ke. Hobole dibi utu nadi ke koribole bhorta apuni laga mon aru atma ke aji, aru anibi maujudgi  te Iosr laga aru dhuri thakibi apuni ke achurit tagot ke. Hobole dibi sukha aru pyasa jibon bhal aru samridh hoa nadi pora pobitro atma laga. Hobole dibi Isor ke apuni ke bodli koribole ekta jibon te ki ulabole bdellium aru onyx ke, Tai laga atma pora.

Aji bhabna koribole laga pobitro kotha tu hoile 3 john 2 “oh morom, Ami prathna kore ki apuni unnati hobo sob saman khan te aru swasth te ki jinika apuni laga atma uthe.