Nov 01 – INAK KHUN HANBA TUREL!

“Edendagi turel ama chenthoktuna ingkhon adu ising chaibikhi,adudagi khaidoktuna turel mari onkhi.” (Genesis 2:10).

Eikhoigi Prabhu Iswargi nungshiba asi kayada chaokhrabano? Mioibagi kannabagi damakta mahakna taibangpan apumbasibu sembikhi. Mahakna taibangsida Eden haiba adu  sembiduna mapham aduda asuk phajaraba ingkhon adu sembikhi. Eden haibasigi wahanthokti thamoigi harao nungaiba haibani.

Miobabu sembiramba Iswar aduna uhei wahei kayabu marang kaina sembikhi. Aduga minasu Iswarga nakna mari thamba adu yamna nungairammi.

Taibangpan apumbasibu wakhal toubiyu, mayaida Eden leire haina loubiyu. Aduga chap mannana mioibagi nungdasu thawai amadi hingba lei. Taibangpan pumbasibu Hakchang aduni,Eden aduna hingbani, aduga ingkhon aduna Thawai aduni.

Madugi ingkhon adu ising chaibiduna nouhannaba Iswarna turel sembikhi. Madugi turel adu maming pande. Bible na turel mari adugi maramda haikhi.

Madugi turel adu angakpa turel oiramgani haina thajei, maphamduda sana phangi.  Bdellium amadi onyx ki nung sing adu maduda phangi. (Genesis 2:11-12). Madu icham chamba turel oirabadi maduda phou, gehu asina chingba khakta thok hangani.

Madu asumna oirabadi madugi turel gi maming adu kari kougani? Ningthou David phaonasu madugi turel gi maming adu khanglamde. Mahakna asumna hairamba khaktani; “Iswargi sahar bu nunga haroa nungaihanba turel ama lei”.” (Psalm 46:4).

Prabhu Jesu khaktana madugi turel gi arotpa maram adu khangbani. “eibu thajariba misingbu ,Iswargi waheina haikhibagumna, mahakki thamoidagi hingbagi turel adu chengani. Adubu mahakna masigi Thawai asengbagi maramda haikhibani,madu mahakpu thajakhiba misingna phanggadaba aduni,Jesu adu matik mangal da loukhatpidribanina makhoida Thawai adu pibidri.” (John 7:38-39).

Nahakki thawaigi punshi adubu ising chaibiba adugi turel adu Thawai asengbani. Nahakki thawaida mahak leiduna nahakki hakchang amadi hingbagu ising chaibiduna marang kaihalli.

Iswargi machasing,”madugi turel adu yengbiyu. Madugi turel aduna nahakki thamoi wakhalbu pikthanba oisanu,aduga maduna nahakpu lamjingbiduna Iswargi leipham tanna pubiba oisanu. Aduga nahakpu Iswargi oiba panggal pibiba oisanu. Thawai asengbagi turel aduna nahakki khouganglaba punshi adubu nouhanba oirasanu. Iswarna nahakki punsi adubu Thawai asengbagi mapanna mamal yamlaba nungshing thokhanba ngamba turel adu oihanbisanu.

Dhyan tougadaba,  “eigi achanba, nahakki thawaina hiram khudingmakta chaokhatpagumna nahakki hakchang adusu nada yektaba oinaba eina haijabiri.” (3 John 2).