Nov 01 – Awrle Alon!

“Kun kutta lingan rudaben asan Eden saring bo surda alon dungan dungle, kun saring unji alon dele. ” (Aparamangtan 2:10)

Yan a surda Kitunglen a tanimyiman! Jito bwr bo murdadage a barun dakuge Israel abmele, do mandranji barij agalam dakuleji kun a barun abmele. Kan aboi bagu ajar gulji soa feet dakule, do bo mile ambrij barij dakule.

Barij baru-lingan Jito neban dakule do kun amanegba abmele sanayamdage dakule. Angante amelgijben abmele kan a baruban, amben barijloge gijle arabtite miholan do Jito jabmolanji. Jisun dile ayam a garbernaben asan kun baruban yireten.

Kotinna Gethsamoni dudin janang dakule. Amben gijle arabtite Jito bwran Jirusalem saring darungyungban daku do sardidyungban saring kun abmele gijtabe. Barij gamle Bethaniban daku, itente darungyungba daku. Kan ate Jito bwran atangorban daku, sattang a hanangna maranji batte arberben dakule.

Kitungan ayirtaih abmele. Kan aboi Jito bwran, uante saring Kitungan a d’ong anurungan dele ruanganban. Angante Hanangna maranji gijleji, A’dongan anurungan dele, do taruban a d’ongan jale.

Atabdong Kitungan a pisirdianji gijtale do hanangna maranji a d’ong ganaman dele, “Bar aninji opungleji, E Galili baiji, iten asan mangban amben g-ijgijle. (Aparamangta 2:11-12). Mang-ben saring mang desaban ayengan a Jisun. a anurungan dole.

Anin ruangban iylen adnang engale amben a gijle, ettegoi na Anin barokij yertai? Kritun aboi dirnan batte gutulte. Iten asan gamlenden Kitungan diling karahidan saring, manglinglen janang hanarmengan daku. Engale Kitunglen dilen do Ruanganban daiyerle, (Sanenken 46:4).

Anin bar okij daiyartai. Anin labsotai Jito bwrban. Bibolan gamte, “Bar kun a dinna lingan Jirusalem darungyungsengban, mukkaban a Jito bwran a langka, Anin tanangte. Seletten Jito bwran bagu panalang dete, bar darung-yungseng saring barubyungseng sikkoi ja bo l’ang tamlung bassengan dete. Mittal-bwrate kandrabardisengban do mittal-bwrate jandrumsengban dedten” (Jon 7:38-39).

Ayirtaih a dinna abmele itjajated bindo Kitungan Jisu Kristun a dayarnan abmele. Angante Kitungan dayartai,

Tanahimdam Kitungan a onagji, orde dane maranji a mukka orde bittin. A madan sattang gijgijle Kitungan a d’ong butente gabdille ruangan do ordaran. Tanahimdam Kitungan a onagji, Dilejanang bo soa bakurdi-galji sanenekennan daku bibol-lingan, yagi ate jinjin murdadam.

Okiy Kinolbe absele: “E timyim mar, yante gamle pwrarda-nam bangsa daku, ettegoi aman janang kuddub janabanji abmele banangsan hangte. do sanamang lingan dete, gamle garbertai” (3 Jon 1:2)