May 31 – Kitungan a bernan batte Banuddin!

“Kan anosai kambol beranji t’od-nam saring dunglen yerdongete bindo aman antate a tam anidan ambrij a manneben asan tamba-togal kenolle j’e-ling-nam ogalla, etteden aman a godan anojoraian dete bar aman apsele banangsan dete” (Josua 1:8).

Kitungan a bernan ambrij bo sosodage daku mandrengna anabhana banuddin batte. Barij bibolan Josua ayamlen adakuad, bindo anosaij-kamb’olan dakule, itente Mojes batte taniyan a delen ate. Kitungan Josua a d’ong gamle: “Bindo boanta-Hen Mojes ayengan a banaihberanji d’ong-nam baihlam, kun a kuddub a manneben asan aman karran radudam do uywbdam dea. Jandrumsengban orde kandrabardi-sengban anosaijan saring lardongne, etteden aman uante a darakunaban yerte, tetten aman apsele banangsan dete” (Josua 1:7).

Josua amanglen itente dane taniyan dele kun abmele ateng bangtongle yamgamle abhanaben dete gamle. Anin ateng ogandile yangam sanunaben dete gulji disanji do bokurdi-migal-boi Kinanin a rajanji a d’ong gamle. Sattang anosaij kamb’ol-lingan tij-j’eneten Kitungan amangba.

Bibolan gamte: bindo osantan GAMANGtungan anosai a mananne lingan anin m’oihte, do kanate tamba-togal anin ogalj’ete, anin man’oihdam. Anin dungdamd’aban a guneb aran ambrij; anin hadab ayam lingan j’on j’ote, do a olan baldedle adnasarre. Do itente anin lumte antate ojoraite” (Sanenken 1:2-3).

Nami janang anlen sanulen daku lanumudan a ranaptin, a dane-lingan kan aymlen, danuailingan itente er maridadage janggarda-lingan. (Epissi 6:12). Kan ate anlen alumben detena, bibolan kinolle, Kitungan aberna-ling tiyj’elen garberlen. Bar angante amben kan ambrij alumte, ajardinna amben dainan ahangte kuddub lingan.

Abraam Lincoln, aparamangtan arastarpoti Amerika-lingan, Kitungan a bernanji tiyj’elen anin ateng banuddin do ganalaman hangle, do kun batte kuddub sanulen do daina hangle. Kun ambrij, bar surda surda baranji abmele anin sanibdaajan pangle do kunabmele garberan batte susule. Amangban Marid Bibolan dakulen asan, kun ayam barij desan marangle.

Daniel janang banuddin do ganalaman hangle, Kitungan a bernan abpunggele do bandale  (Daniel 2:30). Tanahimdam Kitungan a onagji, itedelejangan birindalingan orde bara-lingan, Kitungan ataniytiyan abanuddin saanaisaidam, banuddin do gananludan.

Okiy Kinolbe absele: “Anten asan butente kan berna-Henji amdangan amdangle mannete, ettegoi dile mandran areng lingan a gusingten a bo banuddi maran ampara Hen abjongjongtai” (Mattiu 7:24).