May 31 – ISORBHAKTI ARU POBITROTA!

2 Peter 3:11 “itu karone, kilekoile sob saman khan hekh hoi jabo, ki kisim laga manu apuni hoi pobitrota te aru isorbhakti te?”

Tate charta alag alag motlob ase di kene ‘Isorbhakti’ te. Poila, itu ase biswas Isor te. Dusra, itu ase pobtrota juntu mananiya ase Isor agete. Tisra, itu ase kotha man Isor laga. Aru chautha ase, itu sevakai kora Isor ke pura dharmikta pora.

Aji pobitrota nahoilebi swargiya adot tu napai jibn khan ke bishi Christians khan te. Tai khan thake ekta kisim laga isorbhakti hoilebi mana kore itu laga shakti ke (2 Timothy 3:5). Kilekoile inika manu khan, naam te Isor laga apmaan ase. Aru tai khan laga niom khan hi bondh kore phelai diya laga susmachar ke.

Jitya ekta naam thaka pracharak girishe paap te, itu ke dikhaishe ekta dangor ghatna hisab te samchar patra khan te aru magazines khan te prithibi laga. Judi  bi kunuba manu jun tai ke najane, shuru korishe shrap dibole Krista ke aru Christianity ke. Pobitro kotha te koi: “itu karone, kilekoile sob saman khan hekh hoi jabo, ki kisim laga manu apuni hoi pobitrota te aru Isorbhakti te itu hi thakibo” (2 Peter 3:11).

Manu khan itu prithibi laga jiyai thakibo jinika tai khan icha kore. Hoilebi Isor laga bacha khan, inika nahobo lage. Jitya ami khan sai itu prithibi ke duita suku pora, pura prithibi; hazaar ta suku khan dhyan pora sai ase ami khan ke. Judi bi ami khan kore chutu galti, tai khan niche dikhabo apuni ke aru hudibo: “kinika apuni koribo pare ekta Christian  hoi kene?”

Hobole dibi apuni laga pura daur pobitro – juntu te ase kinika apuni kapra pindhe, apuni laga kaam, ki apuni sai aru apuni laga pura bhabna. Kitya bi na anibi apmaan Krista ke, jun apuni ke morom kore aru dishe apuni ke khun laga boondh ke hekh tok apuni karone. Bonabi ekta thik bhabna anibole anondo Isor ke, apuni laga pura  pobitro jibon pora.

Pobitro jibon joseph laga ase ekta bhal uddharan aru chunoti ami khan sob karone. Jitya Pothiphar laga maiki matishe tai ke paap koribole, tai polai jaishe utu jaga pra bachabole tai laga jibon ke. Tai hudishe tai ke: “kinika tini hoile ami koribo itu dangor biya kaam ke aru paap khilaf te Isor laga?” (Genesis 39:9). Sob ji Joseph laga mon te thakishe koile: “Isor dhyaan pora sai ase ami ke. Kinika ami paap koribo khilaf te Tai laga?” aru itu karone hi, tai parishe rakhibole pobitrota ke aru Isorbhakti ke.

Itu nishina hi, icha  pobitrota karone aru dharmikta Isor phine paishe Daniel te. Tai  koishe Raja Darius ke:” ami ke paishe nirdosh Tai usorte; aru inka bi, O raja, amo koranai iku galti agete apuni laga” (Daniel 6:22). Isor laga bacha khan, ami khan thaki ase hekh homoi te aru hekh daur te. Hobole dibi jun khan pobitro ase, hobole pobitro hi. Bhabna koribi mon te ki Isor ahi ase joldh hi.

Aji dhyan koribole laga pobitro kotha tu hoile 2 Corinthians 7:1 “itu karone, thaki kene itu kosom khan, morom, ahibi sapha koribo nijor ke sob itu moila pora gau laga aru atma laga, thik kori kene pobitro ta te bhoi te Isor laga”.