May 31 – GEN ANN AKKAL

Gener vath 2:4-5 Ruper nai Thu vona dhundan , gokmelejako dhannen dhundaju dhundastho, jana Yehovar dhak kassekokan thu kalalen Devena malam karer genen palechi.

Dhan sampathimathi jada gen cha. Yee gen vorvuj tharema avacha. Yee gen thon chavnukatho thu vorvasu ghatto barkavnu ann gokmelejako dhannenan rupen dhundaju vona dhundunu lagacha Gener vath 2:4-5 vachan parakar thu vo genen dhunder vadi hachethi dhundastho thu palechi.

Yakob 1:5 vachanema Aposthal Yakob lakkacha,Thamena kenithoi gen kamratho . Bharpur devalon keni dalkarenijako Dever dai pucheda ,jana vina dacha.

Yee gen chavnu kan thu Deven puchevas. 1 Rajer grandh 3:10 ann 3:13 vachan prakar Dev Solomonen keni danijathra jada gen dinokonika? Solomon gen chavnu kan puchojako vu Deven pasand vegi jethi Solomonen genethi pakadan vu puchokoninako sari dhan sampathinan maryadin sada denako.

Kanna thu agedi Dever Rajyamenan ,Vor niyathen dhundastho ,jana yinden sen bhelan thona dacha. Luka 21:15 vachan kaju thar mundag kassek saval rathoi, Thamen dwesh kareval koithoi hoto vathey karenan ,hoto hubrer venijako vathenan genena Ma thamena dunchu kan Prabhu kemelocha

Kunvatho manna genan akkal chavnu kan kelachko vo herghadi Dever Vathen vanchacha kankren katho vothi yeken gen akkal macha. Kasenkatho heryek Bibiler vachanemayi gen,akkal ajji Dever Athman jeev cha. Geeder grandh 19:7 vachanema dekatho, Yehovar grandh kharon ,Athmana dham dajucha.Dever gavayi saasan ,bana genina genen dacha.

Yehoshuana Devaj bhod karacha genkajako Dever vathemaj malacha kan. Yehoshua 1:8 vachanema dekacha, Yee dharam sashthra thar mundemathi bhar jayedemath. Pan rathan diya von thu dhyan karnu. Jana thu Voma lakkameleju kanrnu kan thu kalalechi. Jana thar vaten vaddaju karlechi, jannaj thu jayam palechi.

Dev solomonen yeklenaj koni pan Danielen vor dosthivun sada Babuloner motiyarethi 10 hasso jadaj genen dinocha. Mar premer Dever beptavo aaj thon sada Vu Prabhu prabhu genen akkalen dacha.