May 31 – DEVER BHAKTHIN PAVITHRATHA

2 Pethru 3:11 Hanu yesey haala vacha jethi, tham, Pavithar chalethin, bhakthithi ghano jathanethi renu.

Dever bhakthi kajako vathen chaar arathamen kemelecha. Vundema agediya vu Devema viswas karero. Deemo Dev khathar karajako Pavithratha. Theenmo vu Deven maanero. Chaarmo thar puro bhakthithi Prabhun aradhana karnu.aaj kaler dadema yee Dever bhakthin Pavithar jeevanen christhuvalema keni deker veni. Vu jaathapar  Dever joren khathar kareniju banchrejako sada cha kan 2Timothy 3:5 kacha. Yinder vadithij Dever Pavithar namena kalanka laan Dever vathen prachar navaju karnakerecha.

Yeklo moto seva karevalo papema padgo jethi vor bagey malam vethey konijako seji TV ma Jada dekalelage.Jesaruj 2 Pethru 3:11 Hanu yesey haala vacha jethi, tham, Pavithar chalethin, bhakthithi ghano jathanethi renu kan malam karacha.  Yee paper lokema Dever beptavo pap karnu karnukoni. Kassen katho thu dee ankithi karastho thona thona hazar ankivo dekan assal thu yek christhuvalo vethanu hannu ku kido? Kan savaal puchacha.

Thar jeevanema thar heryek chal chalani,vutero bhesero sejima pavithrethi banchanu. Tharvasu akharir loyeer bottuna redojako Prabhu Yesuro namena kalankan lavaju renukoni. Thona prem karrojako Dever vasu pavithrethi banchan thar premen dekallenu.

Agadiyar grandh 39:9 vachanema Yosep yee doi vathen hacho vudaharanvagi cha. Kassen katho Pothipharer gonni pap karen balayijanna Mar Dever virodhvagi athra moto papen kukan kariyu? Kan chodalen dhaasan dagargo. Manna Herghadi Dev dekrocha kan Yosep Devema bhakthina Pavithar jeevanen jathan karlido. Daniel 6:22 vachaner prakar Daniel sada hannuj von vethijako Bhakthin Pavithar jeevanen jathan karlido kan dekacha.

Aji Jada dyan karen pado 2 Corinthi 7:1