May 30 – DHARMIKTA ARU SIKHA JIB!

James 1:26 “judi kunuba bhabna kore apuni khan majate ki tai dharmik ase, aru thik narakhe tai laga jibh ke aru jukai tai laga nijor monk e, itu laga dharmikta kaam nathaka ase”.

Tai jun dharmik ase sikhabo tai laga jibh ke; tai kotha nakoribo jinika tai icha kore tai laga mon te, hoilebi abhyas koribo niyantran rakhibole tai laga jibh ke. Sikhai diya jibh ke asaan nahoi aru lage nirantar abhyas. Chela Paul pora koi “Kun manu bi shikhabole naprire jibh ke. Itu ke niyantran rakibole napara biya ase, pura biya zeher pora” (James 3:8).

Hoilebi in khan bhoi kore Isor ke hobo thik aru abhyas koribo niyantran koribole tai laga jibh uporte. Pobitro kotha te koi: “Hobole dibi sob manu ke tez hunibole, lahe kobole, lahe khong te”. (James 1:19).

Oastor A. sundaram, jun hi Chief Pastor ase Apolistic Church Assembly laga, rakhi thake ekta board Girja te aru tai laga office, jote likha ase: “nakobi biya kunu manu laga bi”. Aru jitya bi tai koi, tai koi kom kotha, thik koribole aru uthabole. Judi kunuba koi biya ke dusra manu laga, tai bondh kori loi tai laga kaan ke. Tai bondh kore  sob kaam nathaka kotha khan te aru mate prathana karone.

Jun khan thik ase tai khan bachabo tai khan laga jibh ke. Pobitro kotha te koi: “iman bishi kotha te paap kom nahoi, hoilebi jun rokhai tai laga utha ke ase gyani” (Proverbs 10:19). “jun bi nigrani kore tai laga mukh ke aru jibh ke rakhe tai laga atma ke bachai jhamela khan pora” (Proverbs 21:23). “rakhibi apuni laga pura mon ke parishram te, kilekoile itu laga sotra pora ulai samsya khan jibon laga. Hatai dibi apuni pora ekta thogai diya mukh ke, aru rakhibi biya uth ke dur apuni pora” (proverbs 4:23-24).

Bishi ase jun khan laga inik kotha, iljaam lagai manu khan ke aru harai loi tai khan laga dharmikta aru Isor laga anugrah ke. Apuni bi harai lobo apuni laga shanty ke kilekoile ini kotha  khan pora; aru pachtabo itu ke kora nimite. Bachi kene thakibi kotha koa ini pora, kilekoile itu ase ekta badha apuni laga prathana laga jibon te.

Pobitro kotha te koi: “hobole nidibi biya kotha ulabole apuni laga mukh pora, hoile ji bhal aase aru jaruri ase thik koribole, ki itu pora dibo anugrah huna manu khan ke”. “hobi kkhong, aru nakoribi paap”: jabole nadibi suraj ke niche apuni laga khong te” (Ephesians 4:29,26).

Isor laga bacha khan, hodai hi chanibi apuni laga hobdo khan ke. Cholabi chania laga kotha jinika “ki ami laga kotha zaroori ase? Ki itu khan hosa ase? Ki itu pora thik koribo dusra khan ke?” judi apuni koi itu khan ke sai kene, apuni paribo niyantran rakhibolle apuni laga jibh ke; aru itu pora bachabo apuni laga tma ke moribole pora.

Aji dhyan koribole laga pobitro kotha tu hoile Matthew 12:36 “hoilebi ami koi apuni ke ki sob ini kotha manu khan koi; tai khan dibo khata itu laga din te faisla laga”.