May 30 – DHARAMKARERO JEEBEN BHADRAM KARLERO

Yakob 1:26 Thamema koithoi vor jeebena kadi ghalleniju vor dallena dokodelen, vona bhakthidhar kan kelatho vor bhakthi taaloj.

Saasij viswasmema chajako kuni reda vunder jeeben bhadram karlen dusaren vor dallema kelajako yistanusarvagi vathe kareni. Jeebena swadheen karlero athra asha maasi koni von thodsek vagath chavacha. Yakob 3:8 pan jeebena navayero kethithoi vangayeni, vu navvenijako keeder vena, mother vaasethi bharan cha. Ajji kunvatho Prabhun dhak padachko vo bhathima banchu kapalden jeeben navalero kukan seeku karacha. Yakob 1:19 jethij Mar premer bhaibando, heryek manikyayi samalena vathral karanu, vathe karena dheerethi renu,rees karena seelo renu kan vachan kacha.

Aposthal Christian Assembly kajako sabhana sevak vetho, vor sabhama hamesha yek palaka par ” kunsi admir vadi mando vathe karnukoni “kan lakkamelotho. Vu sevak Kam vathe Karan Jada aratham vaju bodha karevalo. Vu sevak kunithoi varu chenikan samlatho, vujji dusar vathe kareniju seni araj karen balatho kacha.

Bhakthima chajako vunder jeebena jathan karlacha. Gener vath 10:19 Jada vathema pap cheniju reni, pan hotena burlevalo akkalevalo. Vuj Gener vath 21:23 Vor mundenan jeebena kavali karevalo,vor athmana velamathi jathan karlacha. Gener vath 4:23-24 soli kavalithi thar dallena kavali karla,vomathi jeever jheeri nikalacha, munder voli soli vathema thar aanga thar hotethi dur kar kan vanchacha.

Jada admivo dusaren kamdenijako vathen karan Dharman Dever krupan gamalacha. Hannu vathe karojer vasu Thar dallema shanthina sada gamalechi. Asso kamdenijako vathe Karan thar araj karer jeevanen badhama kassen ghallechi.

Ephesivalun 4:29,26 Ajji Jada dyan karen pado Mathai 12:36