May 28 – DHARTHIR KATMALO

Agadiyar grandh 12:3 Tharemathi yee sey dharthiparer katmalevo ashis vacha.

Agadiyar grandh 17:5 Thona thar katmalena Dev aaj ashis karevalo cha. Hannuj sey dharthir katmalevun ashis karacha. Abbethi thar nam Abram koni lapan thar nam Abraham kan kethanu thu sey dharthiparer katmalevo ashis pavacha.

Kanna thu niyathethi rethanu dusaren bhalayi karevalo rastho Thar vadithi 100 peedivun ashis karacha. Abrahamer pacha 42 peedivalero Yesu Prabhu aayocha. Abrahamer vadithi Dev yee sey dharthiparer katmalevun ashis karocha. Yeej Abrahamer valademathij Yisraelevalen palan kidejako David, Solomon, Rehobam kajako maha ghanulu Rajevo pedave.

Luka 13:16 vachaner prakar Yesu yek samaj mandirama gojana yek yadi 18 varsethi gunithi vuncho sudho chaler veniju vela karrijen dekan vona Abrahamer vadithi varu kido. Jana yee Abrahamer betina, sabbath dadema bhandavnithi choder chenika? Kan ko.

Luka 19:9 vachanema sada Zakkayana dekan aaj yee gharena rakshan ayocha, yee sada Abrahamer beta vegocha kan ko. Abrahamen Tharemathi sey dharthiparer katmalevo ashis vacha kan kojako bachanen herdekarlen abba Prabhu Zakkaya rakshan payojana anand kido.

Yek gharema Bap motas sthithima Ratho vu gharevalen sejini maryadi malacha. Vu Baper namen valden sey kamen karalacha. Lapan Prabhuma niyathethi banchatho vundepar Prabhur dayaro nazar racha.

Vu Prabhu thar valaden ashis karacha. Aposthal Paul Timothin Viswasema Mar saso beta kan balarocha. Ku yek Bapethi betan ashis avachako hannuj Pauler ashis Timothy par vutharan aayicha.

Thu kanna athmik Bap vechi? Thu vunden yek baper premen dekalan vunden sather Dever vathen bodh karan ashisen denu. Christhuma vaddevasu vunder saru kathra karnu ko athra karena thayaragi renu

Jann thar bagey thu araj kidojana ma varu vethanu rakshan pathanu Pavithar Athmathi abhishek palidochu gavai kevale dakal thu seva karnu. Jana thar vadithi yee dharthiparer katmalevun ashis karuchu kan Abrahamer bachan thar jeevanema sada puro vacha.

Ajji jada dhyan Karen pado Geeder grandh 72:17 Vor nam hamesha racha, vor mahimaro Dado ra athra daad teraan racha. Vor vadithi jann ashisen pavacha, malkeval sey vona nashibdhar ken seravacha.