May 27 – Anin a Ganalam Sanarwman!

“Bindo ayengan a Kitungan dile tordong Kristun batte dainagod lingan abanjengtalen, do dile darakuna lingan Anin a ganalam sanarwman anlen batte abpemengte, Anin a d’ong sanensenan de-ete” (2 Korintian 2:14).

Kristun a ganalam sanarwman na, ajardina bo bangsadam, jznjzn do boi boi bangsadam. Kitungan absuile bo sarwmdage a ganalaman, dile mandranji batte. Anappai Pol ateng m’oihle kan abmele do Kitungan a d’ong sanensenan tiyle a himan absittale.

Angaante Anappai Pol a d’ong Kitungan gudingle Damasikaban saring, abamang anin ogandile a monna-lingan: “Buten amang Kitung?” kan a nual-beran jaruloge yiraiten, barij mandrengna-lingan mandran pedde adgalame iten dete gamle.

Bindo kun Pol agalamben itsumle, Kitungan absuidamlen do gamle: “Hen Jisun, butente amang abkalkalte” (Anappai 9:5). Kitungan surdadam a tanimyiman do aasuyeman. Anin na tana’aran, tagoran do janardin. Anin na mandrengna do mandrengna asanangan. Barokij, Anin a d’ong anabkalkalan dele sol batte, ayengan ganudingan dete Pol gamle.

Anappai Pol abernan akkabdabnad, abpungele, do anin jaruloge agalamben itsumle. Pillipi-lingan 3:8, anin gamte: “Ajardin-na, hen janang disamtai itente s’idle banangsa a ganalaman batte Kristun Jisun saring Kitunglen”.

Kitungan Jisun Kristun hamdramlangten do asanarwman manglen saring sadrwmte, agalamben asan. Anappai Pol gamte: “Butente a ganugu pane’mengan do banangsan bathe g’udinglalen, Am’n a ganalamdaman bathe a Kitungdage ranaptin mandrengnan do Kitung ganangkil baran asan kuddub san‘ai Bai janabanji tiylalen” (2 Pitor 1:3).

Kristu anabsittan a ganalaman na, do kun a ganalaman batte hangtabe kuddub itente mandrengna lingan do bangsa lanum-lingan. anlen hangtabe kitungdage aranaptin do erahidan amandrengna. Do aganalam-lingan amben agaja anabs’ide.

Kitungan aganalam batte danongdraban hangtabe kan ordar-lingan saring do anablu Jisun Kristun (2 Pitor 2:20). Tanahimdam Kitungan a onagji, agaja akkadabdongne awrloge agalamben abmele. J’e-ben ganlaman abmele saile adakunaben dete awrloge do kitungan aganalamba adam adakunaben dete.

Okiy Kinolbe absele: “Bindo asuyem lingan do Gamangtung bar Ablu Mar len Jisu Kristun a ganalam lingan marang naba. Anin a d’ong nami bar tarda ayam sikkoi ja gug’u panemeng t’axan de ebe” (2 Pitor 3:18)