May 24 – PRADHAN SRUSTI

Agadiyar grandh 1 :29 Yidek jammipar beeja dajako jhadevon beeja dajako heryek phaler jhadevo seji thamen khayer khano saru derochu.

Geeder grandh 139:14-15 Ma vichithrathin acham kalathi srusti vego jethi thona stuthi karuchu,thar kam sey acham kalathi cha. Vu mar mannen hacho malam. Ma aadamema pedaven, jammir vundema vichithrathin ascharyathi pedavojana, mar hadya thona aadam rakoni.

Assal Manikya kukan srusti vochiko malam karlero ghano avasaram cha. Voma naasthikvadi yee manikya yek kerko avayavathi ko Ameebathi ko, rasayanathi ko, ajji Darvin parinama sidhanthar prakar manikya kothimathi kanan Ajji thodsek surrimathi srusti vocha kan kerecha. Kasen katho yee surrir loyeen manikyar loyee dekatho yekkaj thara chajethi.

Lapan Epheseivalun 1:4 vachanema jagathina punadhi ghalejer aangaj Christhuma apanen taalidojena dekeja. Katho Deven manikyar vacha Deven shaswith vuddes cha.

Agadiyar grandh 2:3 vachanema chaju Dev manikyathi sahavas karnu kethanu kaneesam varama yek dad vathoi Mathi sahavas karan Mar sannidhima anand payeda kan Devaj yek dad visdanthi lelido..

1 Yohan 4:8 vachanema chaju Devaj prema, prema chenijako Deven malam kareni kaju Dev manikyar nai chajako apanevas vor premen dakalan apanen sethi jada prem karrocha. Apan Dever premen dhyan karatho yee panipaavas kholavomar panir jheeri jeevarasivun Apanen prem karanaj srusti karmelocha. Kasen katho Devaj prema vencha.

Yohan 17:24 Bapu, jagathina punadhi ghalejer aangaj thu Marmayi premethi rajethi Thu Manna dinojako mahimana, manna demelojako sey dekena Ma katha ruchuko votha vu sada Mar sath renu kan asa karrochu kan ko. Yee karajethi Dev apaner khanevasu saha soch karan khayeni harobharo khayer bhajivun srusti kidocha.

Ajji jada dhyan Karen pado Geeder grandh 115:15 Asmanenan dharthinan banayojako Yehovathi tham ashis paldecho.