May 24 – Dinna-lenji a Disamben abmele a Ganalam!

“Dinna-lenji a disamben asan hanghanglen, yante gamle anlen banuddi-j’en rapti a hangtai” (Sanenken 90:12).

‘Banunddin tiyle Kitung do hanghanglen. Anogandilinglen ganalaman a panuangan tiylen, eteden anlen banuddi-j’en ahangtai’. Kan aa garberan batte Kitungan tiylangten. Nami a dinna-linganji ganalaman ahangben a dinnan, ateng kan ambrij boigyanikon do rumangdaman ate. ganalaman aboi rumangdage ate, angaitaba bo mandran yirle araptiten ate.

Angante bo ganalaman abmele kinolan dakute banangsan do ganalaman abmele, do kun kuddub lingan kan ambrij aganalamanji sanaisai dile ayman, kan ambrij ayamlen. Butente disamte a dinnaji, anin galamle raptite erahidan abmele do anablun abmele.

Danisaman a dinnaji abmele, sanaisaidam amben abmele. Kan ate aboi mandran abs’idbented abmele, mihnuman abmele, karukudan adelen a dinnan saring. Bindo kan ate aboi janggardadage a ganalam. Janardin a banuddin a garamgam hadab a hamdramtaben ambrij, dile ayam do dile dinna mandrengnaji. Bibolan janang gamte anablun ayaman, er marid dinna asan.

Bo mandra butente amang banuddin dakule do a dinnanji a disamben asan ganalaman hangle, riangba a s’ingan gutulle, do ajanggardadage amangdrengna amarangben asan. Kan ambrij banuddi maran, a s’ingdaman gutulte radu areng-lingan. banuddi maran a s’ing, adrirdage, angante dardumturan yirtai, do rabdan yirtai, areng-lingan ganutulan adelen asan itjaja adea.

Banuddi-maran a s’ingan gutulle bangsale. Bibolan gamte: “Banuddin anindaman a sundangan sable a s’ingdaman gutulleten” (Bangsa Hangan 9:1). Bibol-lingan, anlen kinoltabe banuddi-maran do banuddi-bojan abemele. Kitungan a dinna abmele a ganalaman, aninji sidrung-maran amainaben yirleji, a lippanji do miholan panle.

Tanahimdam Kitungan a onagji, angante mangbaben miholan dakute, kunnina ate Marid Janggarda abarij ayaman, mandrengna-ling-len, kuddub-lingan amben banuddi-mar adeben dete do lanumlingan Kitungan a d’ong amainaben asan. Amben janang aboskaite bigardanji  Kitungan a dinnan abmele. Dile ayaman bartabmenaba, mandrengnaben abhananaba do Kitungan a d’ong amainaben abmele oskainaba.

Okiy Kinolbe absele: “Do ayaman erszn asan a tam royong-ben ambrij bangsale baraba” (Episi 5:16)