May 23 – Homoi ke buja!

1 Chronicles 12:32 issachar laga chokra khan jun khan homoi ke buje, ki Israel pora kuribo lage tai khan laga khas khan 200 thakishe; sob tai laga bhai kokai khan taikhan laga kotha diya te thakishe.

Itu parth pora ami khan ke kiba alag koi Issachar laga chokra khan laga. Tai khan homoi ke buje aru ki kuribo lage itu ke kobole pare. 1 Chronicles 12:32.

Isor laga bacha khan, apuni khan bi homoi ke bhal pora jane na nai? apuni khan bi hatha te thaka homoi laga faida uthabo jane  na nai? apuni khan jane ami khan ses lag homoi te ase? Apuni khan bi tayar  ase na nai isor aha laga din nimite?

Pharisees aru saducees khan ahishe Jisu Krista ke dikhai dibole tai khan ke china swarg pora. Tai jawab di kene koishe tai khan ke, “jitya itu sham ase apuni khan kobi, itu ekta bhal mausam ase, kile koile akash tu lal ase’; aru phujir te, itu ekta biya din ase aji, kile koile akash tu lal aru bhoi khila nishina’. Apuni jane kinika akash laga chehra ase, hoilebi apuni khan najane china khan homoi laga. Matthew 16:2-3.

Ekbar jitya kunuba naukar isor laga ministry laga kaam nimite jaishe, tate ekta manu ahishe satan lagi kene. Utu biya atma tai laga bbitor te thaka pora hudishe isor kam kora naukar pora hudishe, ‘ses homoi ahi ase. Kile apuni amikhan ke khedabole ahi ase? Kile apuni amikhan ke olop shaanti te thakibole nadiye?’ isor laga naukar khan, achurit hoishe itu sawal huda homoi te, aru tai khan utu satan lagi kene thaka ke hudishe, kinika apuni janishe ses homoi itu prithibi laga. Itu laga jawab te tai koishe: ki homoi pora apuni ke janai diyanai?

Itu prithibi jodli pora khotom hobole jai ase. Tagot thaka desh khan bi hathyar khan bonai ase khotom kuri dibole juntu khan pare 40 guna bishi dangor itu prithibi pora bi. Itu khan pora hiami khan ke janai di ase ses homoi ke. Itu prithibi tu pora bhorta ase pap khan pora. Ami khan ini dikhibole pare kinika satan pora sob manu ke cholai ase.

Isor laga bacha khan, kile koile ses homoi usor te ase, apuni khan bi tayar hobole nalage isor ke lok pabo nimite? Itu homoi khan ami khan ke sapha pora dikhai ase ki ami khan Isor laga din nimite tayar thakibole lage.

Aji bhabna kuribole laga pobitro kotha tu hoile Romans 13:12 rati tu bishi jaishe; din tu hath te ase. Itu karone, ahibi ami khan kati kene phelai dibo sob kam khan andhera laga, aru dhali kawach puhor laga.