May 22 – Kristu Jisun a ganalaman a jznjzn banangsan!

“A jardin na Gamangtung-hen Kristu Jisun a ganalaman a jznjzn banangsan asan kuddub janabanji, ururdedage” (Pillipi 3:8)

Pol, angante a d’ong Kitungan batte ganudingan dele, anin galamle do Kristun a ganalaman boi boi bangsadam. Kristun Jisun a ganalam asan, anin kuddub abs’idle do disamlle hangdranganji (Pillipi 3:8).

Ordar-lingan janang ateng banangsanji daku, kun anappai Pol gamle raptite bading. Anin janang Israel saring, Benjamin sanle ayirlaih amandran do anab tamji dinna lingan atiki ganaddre dele. Anin janang paarosinji saring dirna-lingan gamlenden hanarmengan do karahidan abmele. Anin a dirneten a ompun saring, anin ranukkunji abkalkalle. Do anosaaijan ambrij anin ganabroijan dele.

Anin kun ayaman adnang ateng kinol-mar dakule. Bogad anlen kun anin ambrij kinollabenden, kan ayamlen ambrij, ateng kinolanji sarng bo surda kinolan.

Bindo anin kun ordardage a ganalaman batte iteja adead, iten asan gamlenden anin galamle do Kristun a ganalaman jznjzn bangsadam kuddub lingan saring. Do anindaaman tiydamlen itejanan abmele kun Kitungdage aganalaman abmele.

Tanahimdam Kitungan a onagji, ganalaman abmele kekadage delamanden ordardage lingan daku, sattang Kitungan aganalaman batte d’ongben abpemengte. Kun batte erahidan a mandrengnaba urungtaben. Bibolan gamte: “Bar yante gamle aboina Jardi Kitungan Aman na, do anappai mar-Nam Jisun Kristun a d’ong aninji rapti galamteji, kanate er ahidan a mandrengnan na” (Jon 17:3). Kan batte bagu bernanji galamtabe Mandran a O’nan do Kitungan a O’nan. Kuni na ate Kitungan a O’n d’ongdage dele.

Anappai Pol idolle: “Bar yante gamle Butenbe jardin na, Anin a d’ong anlen rapti galamtabe, kun asan Kjtungan a Onan yeraiten, do ganalaman tiylalen, gamle anlen a galam. Bar Butente jardin na, Anin amang lingan anlen dakutenbe; u u Anin a Onan, Jisu Kristun amang lingan anlen dakutenbe. Anin jardj Kitungan, do er ahidan a mandrengnan na” (1 Jon 5:20).

Tanahimdam Kitungan a onagji, Jisun Kristun a ganalaman, bargutultte dirnaben. Kun batte surda surda baranji alumben baite Kitungan abmele. Kun a ganalam, Kitungan aganugu pangtai do abaihtaben a yanarmengan. Kristun Jisun abmele sayamlangten. Kan batte erahidan a mandrengna hangtabe. Kitungan a tanimyim-lingan dakulangten, kuddub mandrengnalen saring.

Okiy Kinolbe absele: “Aman mangba-Hen garbera, etteden Hen d’ong-nam jalangtam, bar aman aggalamen a surda do jaru beran Hen d’ong-nam gadlamtai” (Jirimiya 33:3)