May 22 – GYAN ARU BISWAS!

Proverbs 16:20 “Tai jun dhyan diye hobdo ke bisari pabo hal ke,a ru jun bi biswas kore Isor ke, khushi ase tai”.

Kintu ekta savdhan manu karone, swargiya gyan ase zaroori prithibi laga gyan logote,budhi aru dhar ke dimag laga. Solomon, junk e mane bishi gyaani manu , gyan khan pora bi itu prithibi laga, likhishe inika: “Tai jun dhyan diye hobdo ke bisari pabo hal ke,a ru jun bi biswas kore Isor ke, khushi ase tai”. Proverbs 16:20).

Gyan aru biswas Isor te iki logote kaam koribo lage. Bishi manu khan ase biswas nathai kene Isor te; aru tai khan laga gyan iku kaam nai nijor karone bi aru manu khan karone bi. Jitya ekta manu biswas nakore Isor ke; sob tai laga kaam khan ini hari jai, kiman bi budhimaan thakile bi.

Neta  khan bishi prabhav kore samaj te. Dashnikon bishi gyani khan ase. Hoilebi tai khan laga jibon hekh te, ki hoi jai tai khan laga gyan, budhi aru pora likha ke? Itu khan sob tai khan  logote matite jai. Pobitro kotha koi ami khan ke sapha pora hodai din laga jaga ke tai khan karone jun khan biswas nakore Isor ke.

“dibi apuni laga rasta ke Isor ke, biswas koribi Tai te,a ru Tai hi paar koribo itu ke” (Psalm 37:5). “biswas koribi isor ke pura apuni laga mon logote, aru nirbhar nakoribi apuni laga nijor buja te; sob apuni laga rasta te lobi Tai ke aru Tai pora hi dikhabo apuni ke kuntu rasta jabo lage” (Proverbs 3:5-6). “biswas koribi Isor ke hodai din, YAWH, Isor ase hodai din lagatagot” (Isaiah 26:4).

Ki ase apuni laga jor biswas laga? Ki poisa ase? Na pora likha phine? Na apuni laga dhon te? Na apuni laga prabhav te itu samaj te? Na apuni laga khandan khan? Na apuni laga bacha khan? Sob itu khan jai jabo aru harai jabo; kilekoile itu khan sob hodai din laga nahoi. Hoilebi jun bi biswas kore isor ke khara thakibo sthir hodai din karone.

Hosa thik thaka tu hoile biswas thaka Isor te hi ase. Tai pora kobo: “itu bhala se biswas koribole Isor te naki manu uporte” (Psalm 118:8). Judi bi itu dangor ghatna ase nahoilebi chutu ghatna, tai biswas koribo Isor ke aru lagi thakibo Isor logote. Tai pora koribo sob prathana kori kene. Aru tai laga biswas kitya bi naharabo; kilekoile Isor hi ase kawach tai khan ke jun biswas kore Tai ke.

Tai laga jawan homoi te Solomon pura nirbhar korishe Isor te raj koribole tai laga desh te. Kilekoile tai pura nirbhar korishe Isor te, Isor dishe tai ke gyan budhi aru buja shakti.

Isor laga bacha khan, jinika Solomon apuni bi nirbhar koribo lage pura Isor te aru pabo lage Isor laga gyan budhi aru buja ke. Isor ase utsuk apuni ke dibole inika gyan budhi.

Aji dhyan koribole laga pobitro kotha tu hoile Psalm 101:2 “ami vyabahar koribo gan pora ekta thik hisab te. Oh, kitya Apuni ahibo ami te?”