May 21 – Panemengdage do Ganugudage!

“Seletten Hen purti lingan a kuddub jattinji amang lingan d’ong-ben panemengdage do ganugudage abmetaben” (Jepaniya 3:20).

Kitungan a sanibdaaij-beran nami amben abmele, panemengdage do ganugudage a hangben asan. Barabenji do lanumbenji batte ahimlingben anangan yirtai pede. Bindo Kitungan amben ampara adakun asan, kun kuddub Anin abs’idte do d’ongben abdainabenten bo surda panemengdage do ganugudage batte

Bo birinda dakule banadgedage dakuleji. Aninji bigarda maranji a s’inglen dakulenji do ateng kanalkal-lingan dakule. Ordardage a panemengdage do ganugudage adakuad, do aninji garberlenji kun kuddub kanalkalan ayamlen aninji garberlen dakuleji. Barij tiydamna batte, bo baran susuleji. Kitungan a bara-linganji absitttale. Nami kun a birinda bo surda darakuna-lingan tanabgihjan dele itente amainaji gameleji. Asaniday beran ambrij Kitungan a d’onganji panemengdage do ganugudage abmetenji janggardage do ordardage-lingan.

Angante Abraam a d’ong Kitungan gudingle, gamle: “Hen mangba-nam saring aboi surda birindan amdungtai bar d’ong-nam Hen absittale ahim-nam abgugutai, do anabsitta mar abmetam” (Aparamangtan 12:2). Do engale Anin gamle, Abraam a d’ong anabsittan dele Janggardadage do ordardage ate; lanankan saring er hiddage anabsittan.

Abraam a d’ong ganaman dete Judanji do Israelanji a U’an. Jujulenji saring anin murdadage d jznjzndam dakule. Ismaelanji gamteji ‘Ibrahim Nabi’ do bo surda tumadgijmar gamle.

Bar-janang, Tabme Anosaij-lingan, angante kan aberna Kitungan Jisun Kristun, abmele anidolan dele Jisu Kristun Daudo a O’nan, Abraam a O’nan (Mattiu 1:1). Ganudingan dele ‘Derna a U’an’, do ‘Ebrinji a U’an’. Ajardinna, Gamangtungan panemengdage do ganugudage a d’ongan abmele, engale Anin sibdaiberle.

Tanahimdam Kitungan a onagji, Gamangtungan d’onglen janang a panemengdage do ganugudage abmete. Bibolan gamte: “Aman saring bittin do ganugun yertai bar Aman na kudduban a lanangka rajagodte. S’i-ling-Nam na ranaptin do ranadun daku, bar kudduban a d’ong absurdaben do ranaptin a tiyben a danen s’i-ling-Nam na daku” (1 Birinda 29:12).

Okiy Kinolbe absele: “Anin a d’ong senkendraba; Anin na amben a Kitung; Anin amben abmele ganugudage do bantongidage baran lumeten, antate amben maddam-ben batte a gijle” (Bagujuanaber 10:21).