May 21 – Naam aru Mahima!

Zepheniah 3:20 kile koile ami dibo naam aru mahima apuni ke sob manu majete itu prithuibi laga!

Kosom Isor laga apuni ke aji rakhi dibo apuni ke ekta jagate sonman aru mahima laga. Apuni laga dushman khan apuni laga naam biya kuribole mon hobo pare aru apuni ke shrap dibo pare. Hoilebi kile koile Isor apuni laga phine ase, tai pora khotom kuri dibo tai khan laga sob biya bhabna khan aru apuni ke hosa bi ekta sonman, naam aru mahima dibo jibon te.

Akbar ekta porivaar thakishe jun hi bishi dukhiya thakishe. tai khan bhara laga ghor te thakishe aru tai khan bishi dukh laga jibon te thakishe. tai khan prithibi laga iku dhon thakanai, aru khali prathana hi thakishe jun tu tai khan dhuri kene tahkishe. Tai khan ekta thik Biswas rakhi kene prathana te, tai khan chutu ekta business rakhishe. Aru Iso rpora taikhan laga utu business ke bishi unnati dishe. Aji utu porivaar tu inika jag ate khara ase, sonman aru naam laga tai khan laga khandan khan laga majote. Jinika tai ami khan ke kosom dishe, isor pora dishe tai khan ke mahima aru sonman atma phine bi aru pritibi phine bi.

Jitya isor Abraham ke matishe, tai koishe: “ami apuni ke dangor desh bonabo aru apuni laga naam dangor kuribo; aru apuni ekta ashirbaad hobo” genesis 12:2. Aru jinika tai kosom dishe, Abraham ashirbad paishe atma phine bi aru prithibi phine bi; aru hdai din thakibole laga ashirbaad logote.

Abraham ke jews aru Israel manu khan laga baba koi. Tai hi sobse dangor aru sobse jana laga bura baba ase. Ismalites khan Abraham ke ‘ibrahim Nabi’ mate mane dangor prophet.

Aru notun testament, te Isor Jisu Krista laga khun rishta khan ke dikhai kene ase, David laga chokra, Abraham laga chokra (matthew 1:1. Tai ke Biswas laga baba mate aru Hebrews khan laga baba. Aru sior pora hi tai ke sonman dishe aru tai lag naam uncha kurishe Abraham laga, jinika tai kosom dishe.

Isor laga bacha khan, isor pora bi apuni ke inika jag ate rakhibo sonman aru mahima laga. Pobitro kotha te koi: “duita bi dhon aru sonman apuni pora ahe, apuni rajyo kuribo sob te. Apuni laga hath te Shakti aru tagot ase; apuni laga hath te hi ase dangor kuribole aru tagot dibole sob ke. 1 chronicles 29:12.

 Aji bhabna kuribole laga pobitro kotha tu hoile Deuteronomy 10:21 “tai hiapuni laga mahima ase, aru tai hi apuni laga isor ase, jun pora kurishe apuni karone dangor aru achurit saman khan juntu apuni laga suku pora dikhishe.