May 20 – Uttamta chup hua laga!

Psalm 39:2 ami chup thakishe; ami shanti dhuri rakhishe bhal pora bi

Ekbar ekta raja, hathi lag asawari kuri thakishe. raja laga sawari dikhi kene chiriya pora taunt mari kene koishe: apuni bhal pabo ekta lobule, juntu ami ase? Raja pora nahunile bi chiriya pora bar bar hi hudi thakishe.

Aru inika hoishe ki raja bishi gussa hoi jaishe aru utu chiriya pora ek taka mangishe aru utu chiriya ke jabole dishe. Utu chiriya tu taike poisa tu dishe aru raja ke sorom khilabole shuru hoishe itu koi kene: “itu ekta bhikhari ase. Tai ami pora ekta bhik te loishe”

Raja tu bishi gussa hoishe aru chiriya ke dhuribole kuchis kuhrishe. Kilekoile tai utu kuribole paranai tai utu ektaka ke chiriya uporte phelai dishe. Hoillebi utu chiriya aru bi koishe ki raja tu darpok ase, tai ami pora bhoi lagishe aru ami laga poisa wapas kurishe. Utu raja laga bishi sorom hoishe.

Judi utu raja tu chup thaki she koile tai nijor laga sonman ke harabole thakanai.

Ekbar ekta manu shimei koi kene  raja david ke bishi shrap kurishe. Hoilebi david tu tai laga mukh khulanai. Titya abishai, zeruiah laga chokra pora koishe raja ke, kile itu mora kutta pora ami laga raja ke shrap dibo? Ami ke jabole dibi aru tai laga matha anibole dibi! Hoilebi raja por akoishe, apuni logote ami ki kuribole ase oh zeruiah laga chokra? Shrap dibole dibi taike, kile koile isor pora koishe david ke shrap dibi. Tinihoile kun kobo, kile apuni inika kuri ase? 2 samuel 16:9-10. Itu kotha khan koi kene tai jai jaishe.

Isor laga bacha khan, jitya manu khan apuni ke shrap diye biya koi, nahoile apuni laga misa koi kene berai, aru apuni ke sorom khilai diye, kitya bi gussa nahobi.

A puni laga sob dukh ke, bhabna ke isor laga theng te dibi aru chup thakibi. Anondo te thakibi isor ke loi kene aru tai laga mahima kuribi. Apuni ke kitya bi sorom hobole nadibo.

Aji bhabna kuribole laga pobitro kotha tu hoile proverbs 26:4 jawab nadibi ekta budhu manu ke budhu nishina, nahoile apuni bi tai nishina hobo.