May 20 – Rznglen a dakuna Bangsaadam!

“Hen rznglen dakulenai, iteja banangsanate janang hen er baner” (Sanenken 39:2).

Bo dinna Raja, ati-lingan yireten, dane maranji amangba. Mandranji gijgijleji Raja anemdungan attin batte, bo sanna kukuran a d’ongan ualle do m’angle gamle: ‘amang sanaisai po itente mang-hen daku?’. kun Raja adnayerberad, etigoi kun ontidan ualle dakuneten.

Kun a bernan batte rajan barabdale do ontidan a d’ong aboi sanna lebun tiyle kun adarakuna saring gonle. Kun ontidan janang sanna lebun tiyle abgadroile Raja a d’ong gamle: ‘Kan a rajan gargarmar. Anin mang-hen saaring ganargaran hangle.

Rajan ateng barabdale do hamle akadhidben asan oskaineten. Kun ate anin lumle adrabtiad do kun lebun sartudle ontidaan amangba. Bindo kun ontidan Rajan a d’ong abgadroijben asan uailoge gule gaamle: ‘Kan aa rajan apang bandrab anten asan lebun-hen abyarlen d’ong-hen anin batongte’. Kun rajanadsaihiad kun a bernanji.

Bogad rajan kun ontidan a bernanji sailedakuneten anin oedde arajagodan rabrable do a panemengan dakute.

Bo mandran daakule ahiman Shimei Raja Daudo a d’ong angle daakulen. Bindo Daudo akkardinlen dakuneten. Abisoya Jiruah a onan Rajan a d’ong gamle, “Seletten Jeruiya a on Abisaya rajan a d’ong gameten, Iten asan kan a kahid sodan gamang-hen gugu rajan a d’ong angte? Tette a yerben asan d’ong-hen anorden tiya, do hen anin a b’oban gabbale szdtai. Bindotrajan anin a dong gameten, E Jeruiya a onanji, kanate bara-ben ted. Daudon a d’ong anga, gamle GAMANGtungan anin a d’ong gamlenden, do kan asan anin d’ong-hen anglenden, etteden, iten asan aman kanate lumte, gamle buten rapti ualte?” (2 Samuel 16:9-10). Kan a bernan batte, a tagor-lingan yirreten.

Tanahimdam Kitungan a onagji, angante bigardanji angtabenji do kani kuni gamteji, orde janolda-beran opungteji amben abmele, angante gabroijle m’angtabenji – barabdadongbente kan abmele.

Kan a kuddub danukkan do arasudan Kitungan amangba surpidba do abkirdinlen dakunaba. Kitung-lingan m’oihlen senkendraba. Amben agaja ganabroijan adhage.

Okiy Kinolbe absele: “Aman keka maran anin a tam kanekan ambrij jalangdong; jalanglenden aman ambrij detam” (Bangsa Hanang 26:4)