May 20 – HAZAR ARU DOS HAZAR!

Psalm 91:7 “hazar khan giri bo pare apuni laga phine, aru dos hazar apuni laga dahina hath phine; hnilebi itu  na ahibo apuni laga usorte”.

Isor pora ami khan ke achurit sundo kosom dishe ami khan ke thik suraksha. Tai hi ase roop morom laga aru anugrah laga. Hazar aru dos hazar giribo pare, aru tai khanlaga rasta hobo biya. Hoilebi Isor laga bacha khan ke bachai kene rakhibi thik suraksha te. Hazar aru dos hazar moribo pare rog pora, bipotti, judho aru prakritik apadda. Hoilebi apuni thakibo surakshi Isor laga suraksha te. Itu hobdo ‘dos hazar’ ke cholaishe bishi baar Pobitro KOtha te. Bishi jaga te, itu koi dos hazar biya manu khan, Isor laga pondit khan, aru swarg duth khan Isor laga.

Pobitro kotha te koi: “Isor ahishe Sinai pora…aru Tai ahishe dos hazar pondit khan pora; Tai laga dahina hath pora ahishe jwalant niom tai khan karone. Hoi Tai morom kore manu khan ke; sob Tai laga pondit khan ase Apuni laga hath te; tai khan bohe niche Apuni laga theng te; sob jon bi pai Apuni laga kotha ke” (Deuteronomy 33:2-3).

Hobole dibi manu khan ke aru pondit khan ke Isor laga ginti barhabole hazar aru dos hazar te! Jacob tu nimna sonman thakishe, hoilebi Isor ginti barhaishe gushti ke Jacob laga dos hazar baar, aru loishe tai ke nijor laga manu nishina. Aji apuni bi nimna sonman thakibo pare aru kom ginti te. Hoilebi kilekoile anugrah Isor laga apuni  te ase, Tai pora sonman koribo aru ashirbaad koribo apuni ke Ephraim aru Manasseh nishina,a ru uthai dibo apuni ke hazar aru dos hazar khan te.

Jitya Moses ashirbad korishe Ephraim ke, tai koi: “Tai laga gaurav ase ekta poila jonom bhens nishina, aru tai laga singh ase jongli goru nishina; iki logote tai dhakabo mamnu khan ke hekh te Prithibi laga; tai khan ase dos hazar Ephraim laga,a ru tai khan ase hazar Manasseh laga” (Deuteronomy 33:17).

Aha te Isor Jisu Krista, hazar aru dos hazar swarg duth khan aaru pondit khan Isor laga ahibo Tai logote. Bhabna kori kene itu ke, Enoch – manu Isor laga drishti koishe inika: “thakibi, Isor ahe dos hazar logote Tai laga pondit khan(Jude 1:15).

Isor laga bachakhan, ekta din thakibo jitya ami khan khara koribo maujudgi te Isor laga, mahima kori kene Isor ke aru anondo hoi kene Tai te, majete bishi laga purana aru notum Niom laga pondi khan logote, pondit khan homoi anugrah laga aru pondit khan jun khan nijor laga jibon ke daan dishe. Hodai din yaad rakibi ki ami khan joldh hi pungchi ase utu din te, utu gauravi din te!

Aji dhyan koribole laga pobitro kotha tu hoile Song of Solomon 5:10 “ami laga morom ase boga aru gulabi, khas majate dos hazar laga”.