May 20 – CHOMO DAD

Agadiyar grandh 1 :24 Dev jer jer jather prakar jeevethi chajako, katho jer jer jather prakar gavdigodan puruguna Adabimar jaanvarevun pedaveda kan ker sath Hannu vegi.

Chomo dad Dev sey thara jaanvarevun srusti kido. Yeej dadema Dev cho vivechanevuthi thayar kido. Vuj Dev Maniyar sath rethanu dad vothi sahavas karnu kethanu vona Edoner bagema melnako. Ajji Dev vona ghano prem kido

Dev manikyan taallidocha, sathan janvarena taallidocha. Sathan manikyama janvare sarik swabhavathi bharan renu keldo. Manikyan papema patkanaknu keldojako Sathan Yeej cho sankyan kethanu yee jagenaj raj vego.

Vuj cho sey Saatepar cho sankya anthya christhun dekalacha. Yema 6 sankya theen haptha cha. Agediyar sankyan vu Juno sapenan sathanen dekalacha. Deemo sankyan anthya christhun dekalacha. Theenmo sankya Labbari bhakthidharen dekalacha. Yeej thriyekathvana Bap Deven aji Pavithar Athman dekalacha. Yeej theen bhaga yek manikyar jeevadama Jaan, jeev, Athman dekalacha.

Thodsek admi manna rees karamath ma jaanvar vejayu kana, thodsek admivo jaanvaresarik peethanu gonni beptavun Maru karacha. Ajji thodsek khali jaanvaresarik khayeni, piyeni, daanth ghasseniju racha.

Manikya jaanvarevuma gavdi, bhata, jhad, ajji sapevun, kothivun, yenuguna vujji jada jaanvarevun dhoku karacha. Hannu janvare dakal vethejako seni Dev vor sonth sayaama rupema badlanako. Yee manikya pap karan gamalidejako Dever mahimana pharan hoto layervasu Yesu Prabhu 6 ghanta siluvama latkan vor janen dino. Dev yee sari srustin 6 dadema karan thmanako.

Ajji jada dhyan Karen pado  1 Yohan 3 :2 Mar premevalavo, abba apan Dever bepta cha, abbepar kim remacha kan vujji malam vikonthi, athoi vu aan dakavajana vu chajummaj apan vona dekiya, vor nai remacha kan bhulmath.